Mumbai News – मुंबई विमानतळावर 6 कोटी रुपयांचा गांजा जप्त, एका प्रवाशाला अटक

मुंबई आंतरराष्ट्रीय विमानतळावर बँकॉकहून आलेल्या प्रवाशाकडून गांजा जप्त करण्यात आला आहे. एअर इंटेलिजेंस युनिटने ही कारवाई करत आंतरराष्ट्रीय बाजारात 6 कोटी रुपयांपेक्षा अधिक मूल्य असलेले 6,006 ग्रॅम गांजा हस्तगत करत एका प्रवाशाला अटक केली. कैस शेख असे अटक आरोपीचे नाव आहे.

कैस शेख हा बँकॉकहून व्हिएतजेट एअरलाइन्सच्या विमानाने पहाटे 1.15 च्या सुमारास विमानतळावर उतरला. यावेळी एअर इंटेलिजेंस युनिटने गुप्त माहितीच्या आधारे अटक करण्यात आली. शेखच्या स्कायबॅग्ज ट्रॉलीची तपासणी केली असता आत दोन कापडी पिशव्यांमध्ये लपवलेले 12 प्लास्टिकचे पॅकेट आढळले. चाचणीत हा पदार्थ गांजा असल्याचे सिद्ध झाले.

सदर माल आपला असल्याचे शेखने कबूल केले. त्याला एनडीपीएस कायदा, 1985 च्या अनेक कलमांखाली अटक करण्यात आली. या तस्करीमध्ये आणखी काही लोकांचा सहभाग आहे का याबाबत पोलीस तपास करत आहेत.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.