वैष्णोदेवीला जाणाऱ्या भाविकांची बस पुलावरून कोसळली, एका भाविकाचा मृत्यू; 40 जखमी

वैष्णोदेवीला चाललेली भाविकांची बस पुलावरून खाली कोसळून एका भाविकाचा मृत्यू झाला तर 40 जण जखमी झाले. जम्मू-कश्मीरच्या सांबा जिल्ह्यात हा अपघात घडला. धावत्या बसचा टायर फुटल्याने हा अपघात झाला. घटनेची माहिती मिळताच पोलिसांनी तात्काळ घटनास्थळी धाव घेत बचावकार्य सुरू केले. जखमींना तात्काळ जवळच्या रुग्णालयात दाखल करण्यात आले आहे.

सदर बस अमरोहा जिल्ह्यातून कटरा येथे वैष्णोदेवीच्या दर्शनाला चालली होती. यादरम्यान सांबा जिल्ह्यातील जतवालजवळ बसचा टायर फुटला. यामुळे बस अनियंत्रित झाली आणि पुलावरून खाली कोसळली. स्थानिकांनी तात्काळ धाव घेत मदतकार्य सुरू केले. गंभीर जखमींना प्राथमिक उपचार करून पुढील उपचारासाठी अन्य रुग्णालयात रेफर करण्यात आले आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.