प्रेक्षकांमधील सर्वात मोठी शिट्टी तुमच्या बाबाची असेल!

अभिनेता रितेश आणि जिनिलिया देशमुख ही जोडी पडद्यावर आणि सोशल मीडियावरही अनेकांची फेव्हरेट आहे. सोशल मीडियावर वेगवेगळ्या पोस्ट शेअर करून ते चाहत्यांचं मनोरंजन करतात. अनेक वेळा ते आपल्या दोन मुलांसोबत दिसतात. जिनिलियाने इन्स्टाग्रामवर एक पोस्ट शेअर केली असून यात रितेश देशमुख शिट्टय़ा वाजवत आपल्या दोन्ही मुलांना प्रोत्साहन देत आहे. रितेश-जिनिलियाची दोन्ही मुले फुटबॉल खेळतात. त्यांना नामांकित फुटबॉल स्पर्धेत सहभागी व्हायची संधी मिळाली.

आपल्या मुलांचा सामना पाहण्यासाठी रितेश-जिनिलिया हे दोघेही स्टेडियममध्ये पोहोचले होते. या वेळी रितेश रियान व राहीलला चिअर करत आहे. रितेशची दोन्ही मुले 7 ते 9 या वयाचे आहेत. रितेशचा शिट्टय़ा वाजवतानाचा व्हिडीओ शेअर करत जिनिलिया लिहिते, मी माझ्या मुलांना नेहमी सांगते, प्रेक्षकांमधून ऐकू येणारी सर्वात मोठी शिट्टी तुमच्या बाबाची असेल आणि तो कायम त्याचा शब्द पाळतो. आमची मुले एवढय़ा लवकर बाका& अकादमी इंडियाकडून खेळतील असे मला खरेच वाटले नव्हते. रितेश-जिनिलिया दोघंही मुलांची मॅच पाहण्यासाठी स्टेडियममध्ये गेले होते आणि मुलांना प्रोत्साहन देताना दिसले, इंस्टाग्रामवर या व्हिडीओला चांगला प्रतिसाद मिळत आहे.