वगळलेल्या 65 लाख मतदारांची यादी जाहीर केली, सर्वोच्च न्यायालयाच्या निर्देशानंतर निवडणूक आयोगाची तत्परता

निवडणूक आयोगाने बिहारमधील मतदार याद्यांच्या फेरतपासणी नंतर तब्बल 65 लाख मतदारांची नावे यादीतून हटवण्यात येणार असल्याचे जाहीर केले होते. या वगळलेल्या मतदारांच्या नावांची यादी संकेतस्थळावर जाहीर करण्याचे निर्देश सर्वोच्च न्यायालयाने एका याचिकेवरील सुनावणीदरम्यान दिले होते. त्यानुसार अखेर निवडणूक आयोगाने वगळलेल्या मतदारांची यादी जाहीर केली आहे.

14 ऑगस्ट रोजी सर्वोच्च न्यायालयाने निर्देश दिल्यानंतर निवडणूक आयोगाने आज यादी संकेतस्थळावर प्रकाशित केली. त्याचबरोबर वगळलेल्या नावांमध्ये आपले नाव आहे की नाही हे तपासणे मतदारांना सोपे जावे म्हणून एक लिंकही संकेतस्थळावर देण्यात आली आहे. मतदार याद्यांची फेरतपासणी करताना पारदर्शकपणे काम करण्याचे निर्देशही सर्वोच्च न्यायालयाने दिले होते.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.