बेबी AB चा झंझावात, ऑस्ट्रेलियाला चोपून काढलं; कांगारुंविरुद्ध अशी कामगिरी करणारा ठरला पहिलाच खेळाडू

बेबी AB चा झंझावात, ऑस्ट्रेलियाला चोपून काढलं; कांगारुंविरुद्ध अशी कामगिरी करणारा ठरला पहिलाच खेळाडू

ऑस्ट्रेलिया आणि दक्षिण आफ्रिक यांच्यामध्ये तीन सामन्यांची टी-20 मालिका सुरू आहे. या मालिकेतील तिसरा टी-20 सामना केर्न्सच्या कॅझालिस मैदानावर खेळला जात आहे. नाणेफेक जिंकून ऑस्ट्रेलियाने प्रथम गोलंदाजी करण्याचा निर्णय घेत दक्षिण आफ्रिकेला फलंदाजीसाठी आमंत्रित केलं होतं. प्रथम फलंदाजी करताना दक्षिण आफ्रिकेने 20 षटकांमध्ये 172 धावा केल्या. या सामन्यात बेबी AB म्हणून प्रसिद्ध असणारा डेवाल्ड ब्रेव्हिसने ऑस्ट्रेलियाच्या गोलंदाजांची धुलाई केली आहे. त्याने 26 चेंडूंमध्ये एक चौकार आणि 6 षटकारांच्या मदतीने ताबडतोब 53 धावांची खेळी केली आणि एक विक्रम सुद्धा आपल्या नावावर केला आहे.

डेवाल्ड ब्रेव्हिसची बॅट या मालिकेत चांगलीच तळपली आहे. त्याने मालिकेतील दुसऱ्या सामन्यातही 56 चेंडूंमध्ये 125 धावांची नाबाद खेळी केली होती. त्याची हीच धमाकेदार फलंदाजी तिसऱ्या टी-20 सामन्यातही पाहायला मिळाली. त्याने 26 चेंडूंचा सामना केला आमि 1 चौकार आणि 6 षटकारांच्या मदतीने 53 धावांची वादळी खेळी केली. तसेच त्याने 10 व्या षटकामध्ये आरोन हार्डीच्या गोलंदाजीवर सलग चार चेंडूंमध्ये चार षटकार ठोकले आणि आपलं अर्धशतक पूर्ण केलं. याच सलग चार षटकारांच्या जोरावर डेवाल्ड ब्रेव्हिसने एक अनोखा विक्रम आपल्या नावावर केला आहे. डेवाल्ड ब्रेव्हिस आता ऑस्ट्रेलियाविरुद्ध सलग चार चेंडूंमध्ये चार षटकार ठोकणारा पहिला फलंदाज ठरला आहे. तसेच ऑस्ट्रेलियामध्ये ऑस्ट्रेलियाविरुद्ध 22 चेंडूंमध्ये वेगावन अर्धशतक करणारा डेवाल्ड ब्रेव्हिस पहिला फलंदाज ठरला आहे. यापूर्वी हा विक्रम इंग्लंडचा माजी खेळाडू रवी बोपाराच्या नावावर होता. त्याने होबार्टच्या मैदानावर 2014 साली ऑस्ट्रेलिविरुद्ध 23 चेंडूंमध्ये अर्धशतक झळकावले होते.

Tags:

About The Author

Manisha Thorat- Pisal Picture

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे. 

Post Comment

Comment List

Advertisement

Latest News

माचा ड्रिंक प्यायल्यामुळे कर्करोगाचा धोका टळतो? जाणून घ्या तज्ञांचे मत…. माचा ड्रिंक प्यायल्यामुळे कर्करोगाचा धोका टळतो? जाणून घ्या तज्ञांचे मत….
भारतामध्ये अनेकांना चहा पिण्याची सवय असते. आजकाल अनेकांना माचा चहा पिण्यास आवड दिसत आहे. माचा चहा हे जपानमध्ये एक लोकप्रिय...
Maratha Reservation – मुंबईत मराठा आंदोलकाचा हृदयविकाराच्या झटक्याने मृत्यू, कुटुंबावर कोसळला दुःखाचा डोंगर
मराठा बांधवांना पाणी, अन्न पुरविण्यासाठी कंबर कसून उभे रहा, हाच आपला महाराष्ट्र धर्म आहे! उद्धव ठाकरे यांचे शिवसैनिकांना आवाहन
इस्रायलचा येमेनवर हवाई हल्ला, हुथी पंतप्रधानांचा मृत्यू
भाजपने महाराष्ट्रात निवडणुका चोरल्या, मात्र आम्ही त्यांना बिहारमध्ये निवडणुका चोरू देणार नाही – राहुल गांधी
Ratnagiri News – प्रेमसंबंधातून तरूणीचा आंबा घाटात खून, मृतदेहाचा शोध सुरू
सेलिब्रिटी पितात ते ‘अल्कलाइन वाटर’ काय असतं? सामान्य पाण्यापेक्षा वेगळं असतं का? किंमत जाणून धक्काच बसेल