Beauty Tips : नेलपेंट रिमूव्हर संपला तर! नेलपेंट कशी काढाल?

नेलपॉलिश लावल्याने हातांचे सौंदर्य अनेक पटीने वाढते. बहुतेक मुलींना ट्रेंड किंवा प्रसंगानुसार नेलपॉलिश लावायला आवडते आणि त्यामुळे बऱ्याचदा नेलपॉलिश नखांवरून काढावी लागते, परंतु नेल रिमुव्हर संपल्यामुळे नेलपॉलिश काढणे त्रासदायक ठरते. घरातच काही गोष्टी आहेत, ज्या वापरून तुम्ही नेलपॉलिश सहजपणे काढू शकता. चला कसे ते जाणून घेऊया.

हँड सॅनिटायझर

कोविड असल्याने, बहुतेक घरांमध्ये हँड सॅनिटायझर सहज उपलब्ध आहे. ते तुमच्यासाठी नेल पेंट रिमूव्हर म्हणून देखील काम करेल, कारण त्यात अल्कोहोल असते. कापसाच्या बोळ्यावर थोडेसे सॅनिटायझर लावा आणि ते नखांवर हलक्या हाताने घासून घ्या आणि थोड्याच वेळात नेलपॉलिश निघून जाईल.

नेलपॉलिश

जरी हे थोडे विचित्र वाटत असले तरी, हा एक अतिशय प्रभावी उपाय आहे. नेलपेंट काढण्यासाठी, त्यावर ताज्या नेलपॉलिशचा जाड थर लावा आणि नंतर लगेच कापसाने स्वच्छ करा. असे दोनदा केल्याने, जुना नेलपेंट पूर्णपणे निघून जाईल.

परफ्यूम

नेलपॉलिश साफ करण्यासाठी परफ्यूमचा वापर देखील केला जाऊ शकतो, परंतु तो अल्कोहोल आधारित असावा. कापसावर परफ्यूम स्प्रे करा आणि नंतर नेलपॉलिश काढण्यासाठी नखांवर हलक्या हाताने घासून घ्या. नेलपॉलिश सहज निघुन जाईल.

हेअर स्प्रे

तुम्ही केसांना सेट करण्यासाठी हेअर स्प्रे वापरत असाल तर लक्षात ठेवा की त्यात असलेले रसायने नेलपॉलिश काढण्यास देखील मदत करू शकतात. यामध्ये देखील तुम्हाला कापसावर हेअर स्प्रे लावा आणि नखांवर घासून घ्या.

लिंबू आणि व्हिनेगर

नेलपेंट काढण्यासाठी घरगुती उपायांबद्दल बोलायचे झाले तर, एक चमचा लिंबाचा रस घ्या आणि त्यात तेवढेच व्हिनेगर मिसळा. हे मिश्रण कापसाच्या मदतीने नखांवर घासून घ्या. ही प्रक्रिया रसायनमुक्त आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.