किश्तवाडच्या जंगलात हिजबुलचे दहशतवादी; शोधमोहीम सुरू

किश्तवाड जिह्यात आज सकाळपासून दहशतवाद्यांकडून अंदाधुंद गोळीबार सुरू झाला. या गोळीबाराला सुरक्षा दलांनी चोख प्रत्युत्तर दिले. किश्तवाडच्या जंगलात रियाज अहमद आणि मुदस्सर हजारी हे हिजबुल मुजाहिदीनचे दोन मोस्ट वॉण्टेड दहशतवादी लपल्याची माहिती सुरक्षा दलांना मिळाली असून शोधमोहीमही सुरू करण्यात आली आहे.

डुल परिसरातील भग्न जंगलात आज पहाटेच्या सुमारास सुरक्षा दलाच्या जवानांची पहिली चकमक उडाली. यावेळी राष्ट्रीय रायफल्सच्या जवानांनी दहशतवाद्यांच्या गोळीबाराला प्रत्युत्तर दिले. दोन्ही बाजूंनी गोळीबार सुरू झाला. काही वेळाने दहशतवादी जंगलात पळून गेले. त्यानंतर लष्कर, स्थानिक पोलिस आणि सीआरपीएफने दहशतवाद्यांना पकडण्यासाठी पावले उचलली आहेत.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.