अशोक हांडे यांना ‘आचार्य अत्रे पुरस्कार’, रामदास फुटाणेंच्या हस्ते बुधवारी वितरण

‘मराठी बाणा’कार अशोक हांडे यांना यंदाचा ‘आचार्य अत्रे’ पुरस्कार जाहीर झाला आहे. त्यांना बुधवार, 13 ऑगस्ट रोजी सुप्रसिद्ध कवी रामदास फुटाणे यांच्या हस्ते पुरस्काराचे वितरण होणार आहे. माटुंगा पश्चिमेकडील यशवंतराव चव्हाण नाटय़गृह येथे सायंकाळी 5.30 वाजता पुरस्कार वितरण होणार आहे. ‘आत्रेय’ या संस्थेतर्फे दरवर्षी 13 ऑगस्ट रोजी आचार्य अत्रे पुरस्कार दिला जातो.

आतापर्यंत कवी मंगेश पाडगावकर, शिवशाहीर बाबासाहेब पुरंदरे, पं. हृदयनाथ मंगेशकर, रामदास फुटाणे, ज्येष्ठ पत्रकार मधुकर भावे, डॉ. जयंत नारळीकर अशा अनेक मान्यवरांना हा पुरस्कार दिला गेला आहे. आचार्य अत्रे यांच्या ‘झेंडूची फुले’ या विडंबनकाव्य संग्रहाला यंदा 100 वर्षे पूर्ण होत आहेत. त्यानिमित्त बुधवारी ‘झेंडूची फुले 100’ हा काव्य व विडंबनकाव्याचा संगीतमय कार्यक्रम राजेंद्र पै सादर करणार आहेत.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.