दिल्लीतील कॉसमॉस रुग्णालयात भीषण आग, एकाचा मृत्यू; 10 जण जखमी

दिल्लीतील आनंद विहार परिसरातील कॉसमॉस रुग्णालयात भीषण आग लागली. या आगीत एकाचा मृत्यू झाला असून 10 जण जखमी झाले आहेत. आगीची माहिती मिळताच अग्नीशमन दलाच्या आठ गाड्या घटनास्थळी दाखल झाल्या आहेत. आगीवर नियंत्रण मिळवण्यासाठी अग्नीशमन दलाचे जवान शर्थीचे प्रयत्न करत आहेत.

अग्नीशमन दलाच्या अधिकाऱ्यांनी दिलेल्या माहितीनुसार, शनिवारी दुपारी 12.12 वाजता कॉसमॉस रुग्णालयात आग लागल्याचा फोन आला. त्यानंतर तात्काळ अग्नीशमन दलाच्या आठ गाड्या घटनास्थळी रवाना करण्यात आल्या. जखमींपैकी तिघांना किरकोळ जखमा झाल्या आहेत, अन्य सात जणांना उपचारासाठी आनंद विहार येथील रुग्णालयात दाखल करण्यात आले आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.