इडली विक्रेत्याची मुजोरी; मराठीबद्दल अपशब्द, मनसेने दिला चोप

कल्याणमध्ये पुन्हा एकदा मराठी-अमराठी वादाची ठिणगी पडली आहे. रॉयल स्टार इडलीवाला या हॉटेलच्या बाहेर मनसे कार्यकर्त्यांनी एका परप्रांतीय इडली विक्रेत्याला मराठी माणसाबद्दल अपशब्द वापरल्याने मारहाण केली. कल्याण पूर्वेतील दुर्गा माता मंदिर परिसरात ही घटना घडली.

मराठी माणसांबाबत अपशब्द वापरल्याचे रेकॉर्डिंग सोशल मीडियावर व्हायरल झाल्यानंतर मनसेनेचे कल्याण पूर्व येथल पदाधिकारी अंकुश राजपूत आणि इतर कार्यकर्ते संतापले. त्यांनी तत्काळ हॉटेलवर धडक देत इडली विक्रेत्याला चोप दिला. चोप बसल्यानंतर इडली विक्रेत्याने सार्वजनिकरीत्या हात जोडून माफी मागितली. या प्रकारामुळे कल्याणमध्ये काही काळ तणावाचे वातावरण निर्माण झाले. घटनेची माहिती मिळताच कोळसेवाडी पोलिसांनी घटनास्थळी धाव घेतली. सर्वजण गुण्यागोविंदाने राहत असताना काही मराठीद्वेष्टे मुद्दामहून वाद घालत असल्याचे रहिवाशांनी सांगितले.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.