गडचिरोलीत हिरो कंपनीच्या शोरुमची इमारत कोसळली, तीन जणांचा मृत्यू; तिघे जखमी

गडचिरोलीत हिरो कंपनीच्या शोरुमची इमारत कोसळून तीन कामगारांचा मृत्यू झाला तर तीन जण जखमी झाले. आरमोरी शहरातील भगतसिंग चौकात शुक्रवारी सायंकाळी हिरो टू व्हीलर वाहनांच्या शोरुमची इमारत कोसळली. जखमींना उपचारासाठी उपजिल्हा रुग्णालयात दाखल करण्यात आले आहे.

घटनेची माहिती मिळताच पोलीस, अग्नीशमन दल, बचाव पथकांनी घटनास्थळी धाव घेतली. इमारत कोसळल्याने सहा कामगार ढिगाऱ्याखाली दबले होते. यात तीन जणांचा जागीच मृत्यू झाला तर तीन जण जखमी आहेत. आकाश बुराडे, केतू शेख आणि अशपाक शेख अशी मयत कामगारांची नावे आहेत. दीपक अशोक मेश्राम, विलास कवडू मने आणि सौरभ रवींद्र चौधरी अशी जखमींची नावे आहेत.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.