MIDC सहाय्यक अभियंता परीक्षेच्या तारखेत बदल करावा, कैलास पाटील यांची मागणी

MIDC सहाय्यक अभियंता आणि UPSC IEC ची मुख्य परीक्षेची तारीख एकाच दिवशी आल्यामुळे अनेक विद्यार्थ्यांना कोणत्या तरी एका परीक्षेला मुकावे लागणार आहे. त्यामुळे विद्यार्थ्यांची वर्षानुवर्षांची मेहनत वाया जाईल. या सर्व गोष्टींचा विचार करून MIDC सहाय्यक अभियंता परीक्षेच्या तारखेत बदल करावा, अशी मागणी शिवसेना (उद्धव बाळासाहेब ठाकरे) आमदार कैलास पाटील यांनी उद्योगमंत्री उदय सामंत यांना केली आहे.

आमदार कैलास पाटील यांनी ट्वीटवर (X) पोस्ट करत उदय सामंत यांनी MIDC सहाय्यक अभियंता परीक्षेच्या तारखेत बदल करावा अशी मागणी केली आहे. “MIDC सहाय्यक अभियंता भरतीची परीक्षा येत्या 10 ऑगस्ट रोजी घेण्यात येणार आहे. परंतु, त्याच दिवशी UPSC IES ची मुख्य परीक्षा देखील ठेवली आहे. या दोन्ही परीक्षा एकाच दिवशी आल्यामुळे अनेक उमेदवारांना कोणत्या तरी एका परीक्षेवर पाणी सोडावे लागणार आहे. वर्षानुवर्षे दोन्ही परीक्षांची तयारी करणाऱ्या उमेदवारांवर हे अन्याय केल्यासारखे आहे. त्यामुळे उद्योग मंत्री ना. उदय सामंत यांना माझी विनंती आहे की, आपल्या विभागामार्फत घेण्यात येणारी MIDC सहाय्यक अभियंता भरती परीक्षेच्या तारखेत बदल करून त्यासंदर्भातील परिपत्रक तातडीने जाहीर करावे आणि विद्यार्थी हिताचा निर्णय घ्यावा.” असं म्हणत कैलास पाटील यांनी उदय सामंत यांना परीक्षेच्या तारखेत बदल करण्याची मागणी केली आहे.

MIDC सहायक अभियंता भरतीची परीक्षा येत्या १० ऑगस्ट रोजी घेण्यात येणार आहे. परंतु, त्याच दिवशी UPSC IES ची मेन्स परीक्षा देखील ठेवली आहे.. या दोन्ही परीक्षा एकाच दिवशी आल्यामुळे अनेक उमेदवारांना कोणत्या तरी एका परीक्षेवर पाणी सोडावे लागणार आहे.. वर्षानुवर्षे दोन्ही परीक्षांची तयारी…

— Kailas Patil (@PatilKailasB) August 6, 2025

बिहारमध्ये मतदार यादीतून वगळलेल्या 65 लाख मतदारांची माहिती द्या; सर्वोच्च न्यायालयाचे निवडणूक आयोगाला आदेश

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.