Uttarakhand Cloudburst – उत्तराखंडमध्ये दोन तासांत ढगफुटीची दुसरी घटना, धरालीनंतर सुखी टॉपवर मोठी दुर्घटना

उत्तरकाशीत धरालीजवळ ढगफुटी झाली. ढगफुटीनंतर आलेल्या पुरामध्ये अनेक घरे, हॉटेल्स, लॉज सर्वकाही वाहून गेले. या दुर्घटनेत चार जणांचा मृत्यू झाला असून अनेक जण बेपत्ता झाले आहेत. या घटनेला दोन तासही उलटले नाहीत तोच उत्तरकाशीत ढगफुटीची दुसरी घटना घडली आहे. धरालीजवळील सुखी टॉपवर ही ढगफुटी झाली असून यात अनेक घरांचे नुकसान झाले आहे.

दरम्यान, धरालीमध्ये आलेल्या पुरात अनेक नागरिक बेपत्ता झाले आहेत. निसर्गाच्या कोपामुळे धरालीतील जनजीवन बाधित झाले आहेत. एसडीआरएफ, एनडीआरएफ, बचाव पथके घटनास्थळी दाखल झाल्या असून बचाव कार्य युद्धपातळीवर सुरू आहे.

मदत आणि बचाव कार्य जलदगतीने पार पाडण्यासाठी जिल्हा प्रशासनाने आपत्कालीन हेल्पलाइन क्रमांक जारी केले आहेत. बाधित लोक आणि त्यांचे कुटुंब मदतीसाठी खालील क्रमांकांवर संपर्क साधू शकतात – 01374222126, 01374222722 आणि 9456556431.

उत्तराखंडची राजधानी देहरादूनपासून 220 किमी अंतरावर गंगोत्री धामजवळ ही ढगफुटीची घटना घडली आहे. आहे. धराली गाव हे हर्षिलपासून गंगोत्रीच्या दिशेने सुमारे 6 ते 7 किमी अंतरावर खीर गंगा नदीजवळ आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.