जालन्यात ‘स्वातंत्र्यवीर सावरकर’ चित्रपट सुरू असताना निलम टाॅकीजला लागली आग

जालना शहरातील रेल्वे स्टेशन रोडवर असलेल्या निलम टॉकीजमध्ये 25 मार्च रोजी रात्रीचा शो चालू असताना कुलरला आग लागल्याने थिएटरमध्ये मोठ्या प्रमाणात धूर पसरला. यामुळे दर्शकांमध्ये घबराटीचे वातावरण होऊन लोकं सिनेमा हॉलच्या बाहेर पडले.

निलम टॉकीजमध्ये’ स्वातंत्र्यवीर सावरकर’ हा विनायक दामोदर सावरकर यांच्या जीवनावरील चरित्रात्मक चित्रपटाचे शो सुरु आहेत. चित्रपटात रणदिप हुड्डा यांनी सावरकरांची मुख्य भूमिका साकारली असून देशभरात हा चित्रपट सुरु आहे. अशातच जालना शहरातील निलम टॉकीज येथे चित्रपट पाहण्यासाठी प्रेक्षकांनी गर्दी केली होती. त्यातच कुलरमध्ये अचानक आग लागल्याने चित्रपटगृहात अचानक धूर पसरला. थिएटर व्यवस्थापनाने तात्काळ अग्निशमन दलास पाचारण केले असता अर्ध्या तासात अग्निशमन दलाने आगीवर नियंत्रण मिळवले. यावेळी अग्निशमन अधिकारी माधव पानपट्टे, फायरमॅन नितेश ढाकणे, प्रदीप बापू देशमुख सह कर्मचाऱ्यांनी आगीवर नियत्रंण मिळवण्यासाठी पराश्रम घेतले.

शो चालू असताना आग लागल्याने अर्धवट चित्रपट पाहून लोकं सिनेमा हाॕल बाहेर आले असता त्यांनी थिएटर मालकाला तिकिटाचे पैसे परत करण्याचा आग्रह केला. ज्या लोकांनी चित्रपट पाहण्यासाठी तिकिटे काढली होती त्यांना त्याच तिकिटावर दुसऱ्या दिवशी थिएटर चालू झाल्यावर पुढचा शो दाखविला जाणार असल्याचे थिएटर मालक यांनी माध्यमांशी बोलताना सांगितले.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.