अमेरिकेत F-35 लढाऊ विमान कोसळले; पॅराशूटने उडी मारल्याने पायलट थोडक्यात बचावला

अमेरिकेत नौदलाचे F-35 लढाऊ विमान अमेरिकेत दुर्घटनाग्रस्त झाले आहे. नौदलाचे F-35 लढाऊ विमान बुधवारी (अमेरिकन वेळेनुसार) अमेरिकेतील कॅलिफोर्नियामध्ये कोसळले. हे लढाऊ विमान लेमूर येथील नौदलाच्या हवाई तळावर कोसळले आहे. नौदलाने याची पुष्टी केली आहे. बुधवारी पहाटे 4.30 च्या सुमारास ही दुर्घटना घडली. नौदलाने एका निवेदनात म्हटले आहे की, अपघाताच्या वेळी पायलटने प्रसंगावधान दाखवत योग्य वेळत पॅराशूटद्वारे उडी घेत जीव वाचवला. त्यामुळे दुर्घटनेतून तो सुरक्षितपणे बचावला आहे. या घटनेत कोणीही जखमी झाले नाही. अपघाताचे नेमके कारण अद्याप कळलेले नाही.

अमेरिकन वेळेनुसार बुधवारी पहाटे 4.30 च्या सुमारास ही दुर्घटना घडली. नौदलाने जारी केलेल्या निवेदनात असे म्हटले आहे की अपघाताच्या वेळी वैमानिकाने पॅराशूटद्वारे वेळेवर बाहेर पडून आपला जीव वाचवला. तो सुरक्षित आहे. या घटनेत कोणीही जखमी झाले नाही. अपघाताचे कारण अद्याप कळलेले नाही. नौदलाने एका निवेदनात म्हटले आहे की हे विमान फायटर स्क्वॉड्रन VF‑125 रफ रेडर्सचा भाग होते. हे युनिट फ्लीट रिप्लेसमेंट स्क्वॉड्रन म्हणून काम करते, ज्याचे मुख्य काम वैमानिक आणि एअरक्रूला प्रशिक्षण देणे आहे.

सोशल मीडियावर व्हायरल झालेल्या या अपघाताच्या व्हिडिओमध्ये धुराचे लोट उठताना दिसत आहेत. या अपघाताचा नौदल तळाच्या ऑपरेशनवर काय परिणाम झाला हे अद्याप स्पष्ट झालेले नाही.