चेहऱ्यासाठी आपण घरच्या घरी नानाविध उपाय करत असतो. परंतु अनेक उपाय केवळ नावापुरतेच असतात. मग आपण पार्लरचा रस्ता धरतो. परंतु पार्लरमध्ये गेल्यावर खिशालाही भूर्दंड बसतो. अशावेळी हमखास उत्तम उपाय म्हणजे गुलाबजल आणि दही. आपल्या प्रत्येकाच्या घरामध्ये दही हे असतेच. दही आणि गुलाबजल चेहऱ्यावर ग्लो आणण्यासाठी खूप महत्त्वाचे मानले जाते. या फेसपॅकने त्वचेवर ग्लो तर येईलच. शिवाय त्वचेला थंडावाही मिळेल.
Skin Care – बर्फाच्या पाण्यात चेहरा बुडवण्याचे आश्चर्यकारक फायदे, वाचा
चेहऱ्यावर आपण दही लावण्याचे खूप सारे फायदे आहेत. दह्यामध्ये असलेल्या लॅक्टिक अॅसिड मुळे मृत त्वचा निघून जाण्यास मदत होते. मृत त्वचा निघून गेल्यामुळे दह्यामुळे त्वचा चमकदार होते. त्यासोबतच दह्यामध्ये असलेले व्हिटॅमिन बी हे त्वचेच्या रक्षणासाठी उत्तम मानले जाते. दह्यामध्ये असलेले कॅल्शियम डार्क सर्कलसाठी अतिशय उपयोगी मानले जाते.
Beauty Tips – सणासमारंभासाठी चेहरा सुंदर दिसावा म्हणून ‘ही’ फळे आहेत अत्यंत उपयोगी, वाचा
दह्याचे फेसपॅकमुळे चेहरा नितळ आणि तजेलदार होतो. तसेच स्किनवरील टॅनिंग सुद्धा निघण्यास मदत होते. चेहरा कोरडा पडल्यास दह्याचा फेसपॅक हा कायम एक उत्तम उपाय मानला जातो.
असा करा दह्याचा फेसपॅक
दही – 2 टेस्पून
बेसन- 2 टीस्पून
गुलाबजल – 1 टीस्पून
कृती- एका वाडग्यात दही, गुलाबजल आणि बेसन हे तीन घटक एकत्र करून पेस्ट बनवा.
आता ते चेहऱ्यावर लावा आणि किमान 30 मिनिटे राहू द्या.
काही वेळाने थंड पाण्याने चेहरा धुवा.दह्याच्या या फेसपॅकमुळे काही वेळातच चेहरा तजेलदार दिसेल. तसेच दह्यामुळे त्वचेलाही चांगलाच थंडावा मिळतो.
(कोणतेही उपाय करण्याआधी तज्ज्ञांचा सल्ला घेणे आवश्यक आहे.)
About The Author
Comment List