Solapur News – दुकानातून घरी परतत असताना पतंगाचा मांजा तोंडावर पडला, 13 वर्षीय मुलगा जखमी

पतंगाचा मांजा तोंडावर पडल्याने 13 वर्षीय मुलगा जखमी झाल्याची घटना समोर आली आहे. जखमी मुलाला तात्काळ रुग्णालयात नेण्यात आले. त्याच्या नाकावर, डोळ्याच्या आणि कानाच्या बाजूला जखमा झाल्या आहेत. माढा तालुक्यातील टेंभुर्णी बेंबळे रोडवर ही घटना घडली. प्रियांशु बाळासाहेब कदम असे जखमी मुलाचे नाव आहे.

प्रियांशु हा सोमवारी सायंकाळी किराणा दुकानात सामान आणण्यासाठी गेला होता. सामान घेऊन घरी परतत असताना बेंबळे रोडवरील जयश्री हॉस्पिटलजवळ तुटलेल्या पतंगाचा मांजा प्रियांशुच्या तोंडावर पडला. मांज्यामुळे प्रियांशुच्या नाकावर, डोळे आणि कानाच्या बाजूला जखम झाली.

प्रियांशुला तात्काळ खासगी रुग्णालयात नेत उपचार करण्यात आले. या घटनेनंतर पोलिसांनी टेंभुर्णीतील पतंग मांजा विकणाऱ्या दुकानांची तपासणी करत मांजा विकल्यास कारवाईचा इशारा दिला आहे. तसेच मांजा लावून पतंग उडवणाऱ्यांवर देखील कारवाई करण्यात येणार असल्याचे टेंभुर्णीचे पोलीस निरीक्षक नारायण पवार यांनी सांगितले.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.