Raigad News – अलिबागमध्ये खांदेरी किल्ल्याजवळ मासेमारी बोट बुडाली; तीन खलाशी बेपत्ता

अलिबागजवळच्या समुद्रात मासेमारी करणारी बोट बुडाल्याची घटना शनिवारी सकाळी घडली. या बोटीवर एकूण 8 खलाशी होते. त्यापैकी पाच खलाशी पोहत किनाऱ्यावर आले. तर अन्य तीज जण बेपत्ता असून त्यांचा शोध सुरू आहे. बचावलेल्या पाच जणांना उपचारासाठी अलिबाग जिल्हा रुग्णालयात दाखल करण्यात आले आहे.

करंजा येथील आठ खलाशी शनिवारी सकाळी 7 वाजता मासेमारीसाठी बोट घेऊन समुद्रात गेले. तासाभरानेच सकाळी 8 वाजता खांदेरी किल्ल्याजवळ लाटांच्या जोरदार माऱ्यामुळे बोट समुद्रात बुडाली. बोटीवरील 5 खलाशांनी खवळलेल्या समुद्रात तब्बल 9 तास पोहत दिघोडी किनारा गाठला.

पोलिसांनी स्थानिकांच्या मदतीने बचावलेल्या खलाशांना अलिबाग जिल्हा रुग्णालयात दाखल केले. मासेमारीवर बंदी असतानाही हे खलाशी समुद्रात मासेमारीसाठी गेले. बेपत्ता खलांशाचा शोध सुरू आहे. मात्र मुसळधार पावसामुळे शोधकार्यात अडचणी येत आहेत.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.