वृत्तसंस्था/ कोलकाता
2024 च्या आयपीएल क्रिकेट स्पर्धेतील येथील इडन गार्डन्स मैदानावर शनिवारी झालेल्या सनरायजर्स हैदराबाद संघाविरुद्धच्या सामन्यात मैदानात बेशिस्त वर्तन केल्याच्या कारणावरून केकेआरचा वेगवान गोलंदाज हर्षित राणाला आयपीएलच्या शिस्तपालन समितीने दंड ठोठावला आहे.
या सामन्यात केकेआर संघाने सनरायजर्स हैदराबादचा केवळ 4 धावांनी पराभव करत विजयी सलामी दिली. या सामन्यात खेळताना हर्षित राणाकडून हैदराबाद संघाचा खेळाडू मयांक अगरवाल बाद झाल्यानंतर हर्षित राणाकडून मैदानामध्ये आनंद व्यक्त करताना फ्लाईंग किस करीत त्याला निरोप दिला. या कृतीतून हर्षित राणाकडून आयपीएलच्या शिस्तपालन नियमाचा भंग झाल्याने त्याला आता मिळणाऱ्या मानधन रकमेतील 60 टक्के रक्कम दंड म्हणून द्यावा लागेल. या अटीतटीच्या सामन्यात हर्षित राणाने डावातील शेवटच्या षटकामध्ये हैदराबादला विजयासाठीच्या 13 धावा घेण्यापासून रोखण्यात यश मिळवले होते.
.jpeg)
Comment List