भारतीय जनता पक्षाचे राष्ट्रीय अध्यक्ष जे.पी. नड्डा यांची पत्नी मल्लिका नड्डा यांची लक्झरी कार चोरी झाली आहे. दिल्लीतील एका सर्व्हिस सेंटरमधून ही कार चोरी झाल्याची माहिती मिळतेय. मार्च रोजी ही घटना घडली असून चालकाच्या तक्रारीवरून पोलिसांनी गुन्हा दाखल केला आहे.
पोलिसांनी दिलेल्या माहितीनुसार, नड्डा यांच्या पत्नीची फॉर्च्यूनर कार (क्र. एचपी 03 डी 0021) चालक दिल्लीतील गोविंदपुरी भागातील एका सर्व्हिस सेंटरला घेऊन गेला होता. 19 मार्च रोजी दुपारी तीन ते चारच्या दरम्यान ही कार चोरी झाली. या प्रकरणी पोलिसांनी गुन्हा दाखल केला असून तपास सुरू आहे.
राजधानी दिल्लीमध्ये वाहन चोरीच्या घटनांमध्ये दिवसांगणिक वाढ होत आहे. एका मीडिया रिपोर्टमध्ये असा दावा करण्यात आला आहे की दिल्ली-एनसीआरमध्ये दर मिनिटाला एक गाडी चोरीला होती. एसीकएच्या एका अहवालानुसार 2022 आणि 2023मध्ये हिंदुस्थानमध्ये वाहन चोरीच्या घटनांमध्ये तब्बल अडीच पट वाढ झाली आहे. या रिपोर्टमध्ये आणखीही काही धक्कादायक खुलासे झाले आहेत. चोरांची नजर कोणत्या वाहनांवर असते? चोरीच्या घटनांचे हॉटस्पॉट कोणते? कोणत्या शहरात सर्वाधिक वाहन चोरी होते? याची माहिती या अहवालात देण्यात आली आहे.
दिल्ली-एनसीआरमध्ये दर 14 मिनिटांनी एक वाहन चोरी होते. 2013 पासून वाहन चोरीचे दररोज 105 गुन्हे दाखल झाले आहेत. बहुतांश घटना या मंगळवार, रविवार आणि गुरुवारी झाल्या आहेत. त्यामुळे या दिवशी वाहनधारकांना सतर्क राहण्याची गरज आहे. अर्थात या तीन दिवशीच चोरीच्या घटना जास्त का होतात यामागील कारण स्पष्ट झालेले नाही.
.jpeg)
.jpeg)
Comment List