अमेरिकेत भरधाव कारने 30 जणांना चिरडले, सात जणांची प्रकृती गंभीर

अमेरिकेतील लॉस एंजेलिस शहरात भीषण अपघाताची घटना समोर आली आहे. ईस्ट हॉलिवूडमध्ये शनिवारी भरधाव कारने 30 जणांना चिरडले. जखमींपैकी सात जणांची प्रकृती गंभीर आहे. जखमींना तात्काळ उपचारासाठी रुग्णालयात दाखल करण्यात आले आहे. या घटनेमुळे परिसरात एकच खळबळ उडाली.

लॉस एंजेलिसच्या पश्चिम सैंटा मोनिका बुलेवार्डजवळ स्थानिक वेळेनुसार शनिवारी रात्री 2 वाजता ही घटना घडली. अज्ञात वाहन गर्दीत घुसले आणि नागरिकांना चिरडले. घटनेची माहिती मिळताच लॉस एंजेलिस पोलीस आणि अग्नीशमन दलाने तात्काळ घटनास्थळी धाव घेतली. जखमींना तात्काळ रुग्णालयात नेले. पुढील तपास पोलीस करत आहेत.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.