चालकाची डुलकी जीवावर बेतली, इको व्हॅनची ट्रकला धडक; सहा जण जागीच ठार

पहाटेच्या सुमारास चालकाला डुलकी आल्याने वाहनावरील नियंत्रण सुटले आणि इको व्हॅनने ट्रकला मागून जोरदार धडक दिली. या भीषण अपघातात व्हॅनमधील सहा जणांचा जागीच मृत्यू झाला तर तीन जण गंभीर जखमी झाले. मृतांमध्ये दोन मुलांचा समावेश आहे. शनिवारी पहाटे ही अपघाताची घटना घडली.

अपघातग्रस्त व्हॅन दिल्लीहून आग्र्याला चालली होती. यादरम्यान यमुना एक्सप्रेस वेवर व्हॅनने ट्रकला मागून धडक दिली. व्हॅनमध्ये दोन कुटुंबातील एकूण 9 जण होते. एक कुटुंब आग्रा येथील तर दुसरे मध्य प्रदेशातील मुरेना येथील आहे. अपघात इतका भीषण होता की व्हॅनचा चक्काचूर झाला. पोलिसांना गॅस कटरने व्हॅन कापून मृतदेह बाहेर काढले. जखमींना आग्रा येथे रेफर करण्यात आले आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.