बॉलीवूड अभिनेता शाहरूख खान याच्या चाहत्यांना चिंतेत टाकणारी बातमी आहे. ‘किंग’ चित्रपटाच्या सेटवर शाहरूख खान याला दुखापत झाली झाली. अॅक्शन सीनचे चित्रिकरण सुरू असताना शाहरूखला दुखापत झाली असून यात तो जखमी झाला आहे. त्याची दुखापत किती गंभीर आहे याबाबत माहिती समोर आलेली नाही, मात्र शाहरूख त्याच्या टीमसह उपचारांसाठी तातडीने अमेरिकेला रवाना झाल्याचे वृत्त आहे.
शाहरूख खान सध्या त्याच्या आगामी बिग बजेट ‘किंग’ या चित्रपटाच्या चित्रिकरणामध्ये व्यग्र होता. सिद्धार्थ आनंद या चित्रपटाचे दिग्दर्शन करत आहे. मुंबईतील गोल्डन टोबॅको स्टुडिओमध्ये या चित्रपटातील एका अॅक्शन सीनचे चित्रिकरण सुरू होते. याचवेळी शाहरूख खान याच्या कंबरेला दुखापत झाली. त्यामुळे तो तातडीने अमेरिकेला रवाना झाला. तिथे त्याच्यावर उपचार करण्यात आले असून सध्या तो दुखापतीतून सावरत असून कुटुंबासोबत यूकेमध्ये असल्याची माहिती मिळतेय.
दुखापतीमुळे शाहरूख खानला आराम करण्याचा सल्ला देण्यात आलेला आहे. त्यामुळे किंग चित्रपटाचे चित्रिकरणही पुढे ढकलण्यात आले. दुखापतीतून सावरल्यानंतर सप्टेंबर महिन्यात या चित्रपटाचे चित्रिकरण सुरू होण्याची शक्यता आहे.
दरम्यान, किंग या चित्रपटात शाहरूख खान, सुहाना खान, राणी मुखर्जी, दीपिका पादुकोण, अभिषेक बच्चन, अर्शद वारसी, जॅकी श्रॉफ, जयदीप अहलावत, अनिल कपूर, अभय वर्मा अशी तगडी स्टारकास्ट आहे.
.jpeg)
Comment List