सिलिंडरचा स्फोट होऊन तीन मजली घर कोसळल्याची घटना शुक्रवारी पहाटे वांद्रे पूर्व भारतनगर येथील चाळीत घडली. या दुर्घटनेत ढिगाऱ्याखाली अडपून 15 जण गंभीर जखमी झाले असून त्यातील मोहम्मद इरफान (8), रिहाना अन्सारी (65) आणि मोहम्मद अन्सारी (68) या तिघांची प्रपृती गंभीर आहे. दरम्यान, शिवसेना सचिव आणि स्थानिक आमदार वरुण सरदेसाई यांनी घटनास्थळी भेट देऊन दुर्घटनेचा आढावा घेतला आणि प्रशासनाला बचावकार्यासाठी आवश्यक सूचना दिल्या.
वांद्रे पूर्व भारतनगर येथील चाळ क्रमांक 37 येथे सकाळी 5.30 वाजताच्या सुमारास सिलिंडर स्फोट झाला. त्यात तीन मजली घराचे वरचे दोन मजले कोसळले. कोसळलेल्या भिंतीखाली काहीजण अडकले. या घटनेची माहिती मिळताच अग्निशमन दलाने स्थानिकांच्या मदतीने ढिगाऱ्यात अडकलेल्या रहिवाशांना बाहेर काढून जखमींना तत्काळ भाभा रुग्णालयात दाखल केले. या दुर्घटनेत 15 जण जखमी झाल्याची माहिती पालिकेकडून देण्यात आली.
.jpeg)
Comment List