सिगारेट पिणे एका तरुणाला चांगलेच महागात पडले असून त्याला एका सिगारेटची चार लाख रुपये किंमत मोजावी लागली आहे. अमोल पाटील असे या तरुणाचे नाव असून तो अलिबागमधील कार्लेखिंड येथे विला केअर टेकर म्हणून काम करतो. तो मित्रांसोबत कामानिमित्त पनवेलमध्ये आला असताना चोरट्याने त्याच्या गळ्यातील सोन्याची चेन लांबवली.
अमोल त्याचे मित्र कल्पेश, अतिश आणि जयेश यांच्यासोबत कामानिमित्त पनवेलमध्ये आला होता. संध्याकाळी काम संपल्यानंतर हे चौघेही बीयर पिण्यासाठी ग्रिट्स बारमध्ये गेले. यावेळी अमोलला सिगारेट पाण्याची तलब लागली. त्यामुळे तो सिगारेट पिण्यासाठी बारच्या बाहेर असलेल्या टपरीवर गेला. तेथे त्याने टपरीवर उभ्या असलेल्या एका तरुणाला मित्र समजन मस्करीत जोरदार धक्का दिला. या धक्क्याने बेसावध असलेला तरुण खाली पडला. या कारणावरून दोघांमध्ये बाचाबाची आणि झटापट झाली. दरम्यान आपली चूक लक्षात आल्यानंतर अमोलने त्या तरुणाची माफी मागितली आणि पुन्हा बारमध्ये येऊन बसला. मात्र बारमध्ये बसल्यानंतर त्याला मोबाईल आणि गळ्यातील सोन्याची चेन हरवल्याचे लक्षात आले.
धक्काबुक्कीदरम्यान गळ्यातील चेन आणि मोबाईल हरवल्याचा संशय आल्याने अमोलने लगेचच टपरीजवळ धाव घेऊन शोध घेण्याचा प्रयत्न केला. मात्र तोपर्यंत चोरट्याने त्याचा मोबाईल आणि चेन घेऊन पोबारा केला. याप्रकरणी पनवेल शहर पोलि सांनी अनोळखी चोरट्या विरोधात गुन्हा दाखल केला असून सीसीटीव्ही च्या मदतीने चोरट्याचा शोध सुरू केला आहे.
संतप्त बापाने दारुड्या मुलाच्या गळ्यावर केला ब्लेडने वार
दारूच्या नशेत आईवडिलांसोबत भांडण करणाऱ्या मुलाच्या गळ्यावर संतप्त बापाने ब्लेडने वार केल्याची घटना समोर आली आहे. अमोल जाधव असे दारुड्या मुलाचे नाव असून तो या हल्ल्यात गंभीर जखमी झाला आहे. त्याच्यावर कामोठे येथील एमजीएम हॉस्पिटलमध्ये उपचार सुरू आहेत. अमोलचे वडील वॉचमनचे काम करतात. रात्रपाळी करून ते घरी आले आणि जेवण करण्यासाठी किचनमध्ये गेले. मात्र त्यावेळी भांड्यांचा आवाज झाल्याने अमोलने त्यांना मारहाण करण्यास सुरुवात केली. यावेळी संतापलेल्या बापाने दाढी करण्याच्या ब्लेडने हल्ला केला. याप्रकरणी कामोठे पोलिसांनी राजेंद्र जाधव यांना अटक केली आहे.
Comment List