Ratnagiri News – संगमेश्वरमधील मेढे गावात घरावर दरड कोसळली; मोठे नुकसान, सुदैवाने जीवितहानी टळली

संगमेश्वर तालुक्यातील मेढे गावातील सावंतवाडी येथे मंगळवारी सकाळी मोठी दुर्घटना टळली. गेल्या काही दिवसांपासून विश्रांती घेतलेल्या पावसाने सोमवारपासून पुन्हा जोरदार हजेरी लावल्याने दरड कोसळण्याचे प्रकार घडत आहेत. याच पार्श्वभूमीवर प्रवीण धोंडू साळवी यांच्या घरावर दरड कोसळल्याने मोठे नुकसान झाले. मात्र सुदैवाने घरात कोणी नसल्यामुळे जीवितहानी टळली.

प्रवीण साळवी आणि त्यांची पत्नी सोमवारी रत्नागिरीला गेले होते. त्यामुळे दरड कोसळली तेव्हा घर बंद होते. दरड कोसळताना प्रचंड आवाज झाल्याने परिसरातील नागरिक भयभीत झाले आणि घटनास्थळी धाव घेतली. बंद घर पाहून त्यांनी सुटकेचा निश्वास टाकला. या दुर्घटनेत घराचे मोठे नुकसान झाले आहे. स्थानिक प्रशासनाने या प्रकाराची गंभीर दखल घेऊन तत्काळ पुनर्वसनासाठी प्रयत्न करावेत, अशी ग्रामस्थांची मागणी आहे.

धामणीतील देवशेताची लावणी संपन्न

संगमेश्वर तालुक्यातील धामणी स्वयंभू बाजीदेवाच्या शेताची भातलावणी संपन्न झाली. गावकरी एकत्र येऊन एकोपा जोपासून दरवर्षी ही लावणी करत असतात. सोबत लावणीचे भल्लरीगीत, गरमागरम चहा तसेच तिखट मसालेदार आमटी भात असे नियोजन करण्यात आले होते.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.