हिंदुस्थानी अंतराळवीर शुभांशू शुक्ला 4 अंतराळवीरांसह पृथ्वीवर सुखरुप परतले आहेत. त्यांचे ड्रॅगन अंतराळयानाने कॅलिफोर्नियाच्या किनाऱ्यावर सुखरुप लँडिंग केले आहे. शुभांशू हे सुमारे 18 दिवस अवकाशात होते. या काळात त्यांनी अनेक प्रयोगही केले. शुभांशू शुक्ला हे 25 जून रोजी फ्लोरिडा येथील केनेडी स्पेस सेंटर येथून फाल्कन 9 रॉकेटने अंतराळात गेले होते. आता ते सुखरूप पृथ्वीवर परतले आहेत. शुभांशू शुक्ला हे अमेरिका, पोलंड, हंगेरीतील आपल्या 3 सहकारी अंतराळवीरांसह 14 जुलै रोजी दुपारी 4.45 वाजता आंतरराष्ट्रीय अंतराळ स्थानकावरून पृथ्वीकडे निघाले होते. आता हे सर्व अंतराळवीर पृथ्वीवर सुखरुप परतले आहेत.
शुभांशू आणि त्यांच्या सहकाऱ्यांच्या आरोग्य तपासणीसाठी आणि अंतराळात असताना त्यांच्या शरीरावर झालेल्या परिणामांतून बरे होण्यासाठी 10 दिवस देखरेखीखाली ठेवले जाणार आहेत. शुभांशू शुक्ला हे 1984 नंतर अंतराळात जाणारे हिंदुस्थानचे दुसरे अंतराळवीर आहेत. यापूर्वी राकेश शर्मा यांनी 1984 मध्ये सोव्हिएत युनियनच्या अंतराळयानातून अंतराळात प्रवास केला होता. शुभांशू यांच्या या मोहिमेनंतर हिंदुस्थान आगामी काळात अंतराळ स्थानक स्थापन करण्याच्या तयारीत आहे. त्यामुळे शुभांशू यांची ही मोहीम महत्त्वाची ठरली आहे.
शुभांशू शुक्ला हे हिंदुस्थानी हवाई दलात स्क्वाड्रन कमांडर आहे. त्यांना 2000 तासांपेक्षा जास्त उड्डाणाचा अनुभव आहे. शुभांशू यांनी आपल्या 18 दिवसांच्या अंतराळातील कार्यकाळात 60 हून अधिक प्रयोगांमध्ये भाग घेतला आहे. ज्यात देशाच्या 7 प्रयोगांचा समावेश आहे. शुभांशू यांनी अंतराळात मेथी आणि मूगाचे बीजचा अभ्यास केला. अ‍ॅक्सिओम-4 मोहिमेतील ड्रॅगन अंतराळयान सोमवारी आंतरराष्ट्रीय अंतराळ स्थानकावरून पृथ्वीच्या दिशेने निघाले होते. यावेळी शुभांशू शुक्ला यांच्या पालकांनी त्यांच्या सुरक्षित लँडिंगसाठी प्रार्थना केली होती.
Comment List