चड्डी-बनियन गँगवर कारवाई करा! आदित्य ठाकरे यांची मागणी

राज्यात सध्या चड्डी-बनियन गँगची मुजोरी सुरू आहे. पण युती धर्मामुळे मुख्यमंत्री देवेंद्र फडणवीस यांना त्यांच्यावर कोणतीही कारवाई करता येत नाही, असा टोला लगावताना या चड्डी-बनियन गँगवर तातडीने कारवाई करा, अशी मागणी शिवसेना नेते, युवासेना प्रमुख आदित्य ठाकरे यांनी आज विधानसभेत केली.

चड्डी-बनियन गँगच्या कोणत्याही गोष्टी सध्या मुख्यमंत्र्यांना सहन कराव्या लागत आहेत. ही गँग कुणालाही धक्का-बुक्का मारतात. काहीही करतात. पण त्यांच्यावर कारवाई होत नाही. मुख्यमंत्र्यांच्या सहनशीलतेचे मी काैतुक करतो. ते कुणावरही कारवाई करीत नाहीत. मात्र सध्या मुंबई-महाराष्ट्रात जे सुरू आहे, त्यावर नियंत्रण ठेवणे गरजेचे आहे, असेही ते म्हणाले. मुख्यमंत्र्यांनी चड्डी-बनियन गँगवर कारवाई करावी आणि शासन काय असते हे दाखवून द्यावे असे आव्हानच आदित्य ठाकरे यांनी दिले.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.