युक्रेनशी 50 दिवसांत शांतता करार करा, अन्यथा कठोर निर्बंध लादले जातील; ट्रम्प यांनी रशियाला दिली धमकी

अमेरिकेचे राष्ट्राध्यक्ष डोनाल्ड ट्रम्प यांनी सोमवारी रशियावर कठोर आर्थिक निर्बंध लादण्याचा इशारा दिला. जर रशियाने 50 दिवसांच्या आत युक्रेनसोबत शांतता करारावर स्वाक्षरी केली नाही तर, त्यावर निर्बंध लादले जातील, असे ते म्हणाले. ओव्हल ऑफिसमध्ये नाटोचे सरचिटणीस मार्क रुट यांच्याशी झालेल्या बैठकीत ट्रम्प म्हणाले की, युक्रेनला शक्य तितक्या लवकर शस्त्रे पाठवली जातील.

डोनाल्ड ट्रम्प म्हणाले की, मी राष्ट्राध्यक्ष पुतिन यांच्यावर नाराज आहे. मला वाटले होते की, आपण दोन महिन्यांपूर्वीच एक करार केला असता, पण तो झाला नाही. ट्रम्प यांनी पुतिन यांना एक कठोर माणूस असल्याचं म्हणत बोलले की, “त्यांनी क्लिंटन, बुश, ओबामा आणि बायडेन यांना मूर्ख बनवले, पण मला नाही.” ट्रम्प म्हणाले की, रशियाने 2022 मध्ये कोणत्याही चिथावणीशिवाय युक्रेनवर हल्ला केला होता आणि आता शांतता चर्चेदरम्यान त्यांनी हल्ले वाढवले आहेत.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.