दिल्लीत चार मजली इमारत कोसळली, ढिगाऱ्याखाली दबल्याने 6 जणांचा मृत्यू

दिल्लीत चार मजली इमारत कोसळल्याने सहा जणांचा ढिगाऱ्याखाली दबून मृत्यू झाला आहे. दिल्लीच्या ठाणे वेलकम परिसरात शनिवारी सकाळी ही दुर्घटना घडली. दुर्घटनेत 8 जण जखमी झाले आहेत. इमारतीखाली अनेक जण अडकल्याची शक्यता आहे. बचाव कार्य सुरू आहे. अपघातग्रस्त परिसर दाट लोकवस्तीचा असल्याने बचाव कार्यात अडचणी येत आहेत.

घटनेची माहिती मिळताच अग्नीशमन दलाच्या सात गाड्या आणि एनडीआरएफचे पथक घटनास्थळी दाखल झाल्या. मलबा हटवण्याचे काम सुरू आहे. इमारत जुनी आणि जीर्ण झाली होती. यामुळे ही दुर्घटना घडल्याचे बोलले जात आहे. जखमींना उपचारासाठी रुग्णालयात दाखल करण्यात आले आहे. बचाव कार्य युद्धपातळीवर सुरू आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.