या संकटाच्या काळात आम्ही केजरीवाल यांच्यासोबत आहोत; कल्पना सोरेन यांचा सुनिता केजरीवालांशी संवाद

कथित मद्यधोरण घोटाळाप्रकरणी ईडीने दिल्लीचे मुख्यमंत्री अरविंद केजरीवाल यांना अटक केली आहे. न्यायालयाने त्यांना 28 मार्चपर्यंत ईडी कोठडी सुनावली आहे. ईडीच्या या कारवाईनंतर झारखंडचे माजी मुख्यमंत्री हेमंत सोरेन यांच्या पत्नी कल्पना सोरेन यांनी अरविंद केजरीवाल यांच्या पत्नी सुनीता केजरीवाल यांच्याशी संवाद साधत त्यांना धीर दिला आहे. या संकटाच्या काळात आम्ही केजरीवाल यांच्यासोबत आहोत, असे कल्पना सोरेन म्हणाल्या. याबाबत त्यांनी एक्सवर पोस्ट केली आहे.

अरविंद केजरीवाल यांच्या पत्नी सुनीता केजरीवाल यांच्याशी आपण नुकताच संवाद साधत त्यांना धीर देण्याचा प्रयत्न केला. एक सहकारी म्हणून त्यांचे दुः ख मी समजू शकते. देशात लोकसभा निवडणुका जाहीर झालेल्या असताना देशातील लोकप्रिय मुख्यमंत्र्यांना बेकायदेशीर अटक करणे ही लोकशाहीसाठी सामान्य घटना नाही. संकटाच्या या काळात हेमंत सोरेन यांच्या नेतृत्त्वाखालील झारखंड केजरीवाल यांच्यासोबत आहे, असे कल्पना सोरेन यांनी पोस्टमध्ये म्हटले आहे.

अभी अरविंद केजरीवाल जी की धर्म पत्नी सुनीता केजरीवाल जी से बात कर उन्हें साहस देने का प्रयास किया। एक साथी के रूप में मैं उनकी परेशानियों को समझ सकती हूं।

लोकप्रिय निर्वाचित मुख्यमंत्रियों की गैरकानूनी ढंग से गिरफ्तारी और वह भी तब जब देश में आम चुनाव के कार्यक्रम की घोषणा हो गई…

— Hemant Soren (@HemantSorenJMM) March 23, 2024

झारखंडचे माजी मुख्यमंत्री हेमंत सोरेन यांनाही ईडीने अटक केली होती. देसात लोकसभा निवडणुका जाहीर झालेल्या असताना असी बेकायदा कारवाई करणे योग्य नसल्याचे कल्पना सोरेन यांनी म्हटले आहे. सुनीता केजरीवाल यांनी शनिवारी अरविंद केजरीवाल यांचा संदेश जनतेपर्यंत पोहचवला आहे. आपण लवकरच बाहेर येऊन जनतेला दिलेली आश्वसने पूर्ण करणार असल्याचे केजरीवाल यांनी म्हटले आहे. तसेच या काळात कल्पना सोरेन यांनी सुनीत यांच्याशी संवाद साधत त्यांना धीर दिला आहे.