तुम्हीपण तुमच्या मुलांना टोमॅटो केचप देताय का? मग असं करणं आजपासून टाळा, वाचा

मुलांना टोमॅटो केचपसोबत चपाती-पराठा खायला फार आवडतो. आजच्या काळात मुलांच्या खाण्याच्या सवयी खूप बदलल्या आहेत. धावपळीचे जीवन, काम करणाऱ्या पालकांचे व्यस्त वेळापत्रक आणि बाजारात उपलब्ध असलेल्या रेडी-टू-ईट अन्न पर्यायांमुळे, कधीकधी मुलांना त्यांना आवडणारे अन्न सहज देणे सोपे वाटते.

चपातीसोबत टोमॅटो केचप देणे हा देखील या पर्यायांपैकी एक बनला आहे. मुलांना टोमॅटो केचपची गोड आणि आंबट चव इतकी आवडते की त्यांना ते सर्व गोष्टींसोबत खायला आवडते. बऱ्याचदा आई लंच बॉक्समध्ये मुलांसाठी टोमॅटो केचपसह चपाती, पराठा किंवा सँडविच पॅक करुन देते. त्याचबरोबर दररोज केचप खाणे मुलांच्या आरोग्यासाठी हानिकारक असू शकते. त्यामुळे मुलांना चपाती किंवा पराठासोबत केचप का देणे टाळावे ते जाणून घ्या सविस्तर.

केचपमध्ये भरपूरप्रमाणात साखर असते टोमॅटो केचपची चव सुधारण्यासाठी त्यात भरपूर प्रमाणात रिफाइंड साखर टाकली जाते. जी मुलांच्या वयासाठी खूप जास्त घातक असते.

नियमितपणे जास्त केचप खाल्ल्याने मुलांमध्ये लठ्ठपणा, मधुमेह तसेच दातांच्या समस्या उद्भवू शकतात. याशिवाय, जास्त साखर खाल्ल्याने मुलांमध्ये एकाग्रतेचा अभाव निर्माण होतो आणि ते स्वभावाने चिडचिडे देखील होऊ शकतात.

मीठ आणि प्रिझर्वेटिव्ह्ज देखील हानिकारक आहेत तुम्हाला हे जाणून आश्चर्य वाटेल की केचपमध्ये सोडियमचे प्रमाण जास्त असते. त्यामुळे मुलांच्या रक्तदाबावर परिणाम होऊ शकतो आणि हृदयाच्या आरोग्याला धोका निर्माण होऊ शकतो.

केचपमध्ये असलेले प्रिझर्व्हेटिव्ह्ज आणि कृत्रिम रंग पोटाच्या पचन प्रक्रियेवर वाईट परिणाम करतात. प्रिझर्व्हेटिव्ह्जमुळे मुलांमध्ये ऍलर्जी, त्वचेच्या समस्या आणि चयापचय संबंधित समस्या उद्भवू शकतात.

चवीचे व्यसन आणि पौष्टिक कमतरता जेव्हा मुलांना वारंवार केचअप दिले जाते तेव्हा त्यांच्या जिभेला या चवीची सवय होते. परिणामी ते इतर भाज्या आणि निरोगी अन्न पर्यायांपासून दूर जाऊ लागतात. हळूहळू, या सवयीमुळे मुले घरी बनवलेले निरोगी अन्न पाहून तोंड फिरवू लागतात. मुलांच्या या सवयीचा थेट परिणाम त्यांच्या रोगप्रतिकारक शक्तीवर आणि मानसिक वाढीवर होतो.

 

चांगले पर्याय कोणते?

मुलांच्या आरोग्याचा विचार करता, त्यांना नैसर्गिक, पौष्टिक आणि ताजे अन्न देणे महत्वाचे आहे. जर मुलांना टोमॅटोची चव आवडत असेल तर घरी नैसर्गिक टोमॅटोची चटणी बनवा. यासोबतच त्यांना फळे, हिरव्या भाज्या आणि घरगुती निरोगी अन्न खाण्याची सवय लावा.