मुंबई महानगरपालिका क्षेत्राला पाणीपुरवठा करणा-या 7 जलाशयांपैकी ‘हिंदुहृदयसम्राट शिवसेनाप्रमुख बाळासाहेब ठाकरे मध्य वैतरणा जलाशय’ आज सुमारे 90 टक्के भरले आहे. हिंदुहृदयसम्राट शिवसेनाप्रमुख बाळासाहेब ठाकरे मध्य वैतरणा जलाशयाची पूर्ण संचय पातळी 285 मीटर असून पाणी पातळी आज 282.13 मीटरपर्यंत पोहोचली आहे. सतत कोसळणाऱ्या पावसाच्या अनुषंगाने धरणाचे 3 दरवाजे (क्रमांक 1, क्रमांक 3 व क्रमांक 5) दुपारी 1 वाजून 15 मिनिटांनी उघडण्‍यात आले आहेत. सद्यस्थितीत 3000 क्युसेक वेगाने जल विसर्ग सुरू आहे. हिंदुहृदयसम्राट शिवसेनाप्रमुख बाळासाहेब ठाकरे मध्य वैतरणा धरणातून सोडण्यात येणारे पाणी ‘मोडक सागर’ (निम्न वैतरणा) जलाशयात साठविले जाते, अशी माहिती बृहन्मुंबई महानगरपालिकेच्या जल अभियंता खात्याद्वारे देण्यात आली आहे.
मुंबई महानगरपालिकेने पालघर जिल्ह्यातील मोखाडा तालुक्यात 102.4 मीटर उंचीचे आणि 565 मीटर लांबीचे मध्य वैतरणा धरण सन 2014 मध्ये पूर्ण केले. महानगरपालिकेने स्‍वखर्चाने हे धरण विक्रमी वेळेत बांधून पूर्ण केले होते. या धरणाचे नामकरण ‘हिंदुहृदयसम्राट शिवसेनाप्रमुख बाळासाहेब ठाकरे मध्य वैतरणा जलाशय’ असे करण्यात आले आहे. या जलाशयाची कमाल पाणी साठवण क्षमता ही 19,353 कोटी लीटर (193,530 दशलक्ष लिटर) इतकी आहे.
मागील काही दिवसांमध्ये पाणलोट क्षेत्रात सातत्याने होत असलेल्या दमदार पावसामुळे जलाशयांची पाणी पातळी झपाट्याने वाढत आहे. हिंदुहृदयसम्राट शिवसेनाप्रमुख बाळासाहेब ठाकरे मध्य वैतरणा जलाशय पाणलोट क्षेत्रात आजपर्यंत (दिनांक 7 जुलै 2025) 1 हजार 507 मिलीमीटर पाऊस झाला आहे. तर, आज रोजी सुमारे धरण 90 टक्के भरले आहे. धरणाची पूर्ण संचय पातळी 285 मीटर असून पाणी पातळी आज 282.13 मीटरपर्यंत पोहोचली आहे. खबरदारीचा उपाय म्हणून आज (दिनांक 7 जुलै 2025) दुपारी 1.15 वाजेपासून धरणाचे 3 दरवाजे (क्रमांक 1, क्रमांक 3 व क्रमांक ५) 30 सेंटीमीटरने उघडण्‍यात आले आहेत. या तीन दरवाज्‍यातून 3000 क्यूसेक्स विसर्ग सुरू आहे.
मुंबईला पाणीपुरवठा करणाऱ्या 7 धरणांची एकूण कमाल पाणी साठवण क्षमता ही 1,44,736.3 कोटी लीटर (14,47,363 दशलक्ष लीटर) इतकी आहे. आज पहाटे 6 वाजताच्या मोजणीनुसार सर्व 7 तलावांमध्ये मिळून सुमारे 37.88 टक्के इतका जलसाठा आहे.
Comment List