चालकाचे नियंत्रण सुटल्याने प्रवाशांनी भरलेली बस उलटली, 8 जणांचा मृत्यू; 25 जखमी

चालकाचे नियंत्रण सुटल्याने प्रवाशांनी भरलेली रस्त्यात उलटल्याची घटना घडली. या अपघातात आठ जणांचा मृत्यू झाला असून 25 जण जखमी झाले आहेत. मृतांमध्ये एखा बालकाचाही समावेश आहे. घटनेची माहिती मिळताच स्थानिक पोलीस आणि बचाव पथकांनी तात्काळ घटनास्थळी धाव घेत मदतकार्य सुरू केले. अपघाताबाबत सखोल तपास सुरू आहे.

पंजाबमधील होशियारपूर जिल्ह्यातील दसुया-हाजीपूर रस्त्यावरील सागरा बस स्टँडजवळ हा अपघात झाला. जखमींना तात्काळ उपचारासाठी रुग्णालयात दाखल करण्यात आले आहे. क्रेनच्या सहाय्याने अपघातग्रस्त बस बाजूला करत वाहतूक सुरळीत करण्यात आली.

प्रत्यक्षदर्शींनी दिलेल्या माहितीनुसार, बसच्या समोर अचानक कार आली. बसचा वेग जास्त असल्याने चालकाला नियंत्रण करण्यास जमलं नाही. नियंत्रण सुटल्याने बस उलटली. या अपघातात बसमधील प्रवाशांसह कारमधील प्रवासीदेखील जखमी झाले. सर्व मृतदेह शवविच्छेदनासाठी रुग्णालयात पाठवण्यात आले आहेत.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.