वडिलोपार्जित शेत जमिनीच्या वादातून दोन गटात हाणामारी झाल्याची घटना कणकवलीतील हुंबरट-पिंपळवाडी येथे घडली. याप्रकरणी दोन्ही गटांनी दिलेल्या परस्परविरोधी तक्रारीवरून कणकवली पोलीस ठाण्यात सात जणांविरोधात गुन्हा दाखल करण्यात आला आहे. ही घटना शनिवारी सायंकाळी 4.30 वाजण्याच्या सुमारास घडली.
विठोबा तुकाराम मर्ये यांनी दिलेल्या फिर्यादीनुसार, शेत जमिनीत चिखलनी करीत असताना मंगेश मर्ये आणि त्यांची पत्नी ममता मर्ये यांनी मला विरोध करत शिवीगाळ केली. तसेच मला आणि माझा पुतण्या कैलास मर्ये याला लोखंडी कोयत्याच्या उलट्या बाजूने व लाकडी दांड्याने मारहाण केली. याप्रकरणी मंगेश तुकाराम मर्ये आणि ममता मंगेश मर्ये यांच्याविरोधात गुन्हा दाखल करण्यात आला आहे.
मंगेश तुकाराम मर्ये यांनी दिलेल्या फिर्यादीनुसार वडिलोपार्जित जमिनाचे वाद सुरू आहेत. असे असताना दिलीप तुकाराम मर्ये, कैलास तुकाराम मर्ये, विठोबा तुकाराम मर्ये, वर्षा विठोबा मर्ये, दिलीप मनोहर हुले ही मंडळी शेत जमिनीत काम करीत होते. याबाबत मी त्यांना विचारणा केली. या रागातून त्यांनी मला आणि पत्नी ममता हिला शिवीगाळ करीत खोऱ्याने मारहाण केली. कैलास मर्ये याने हुंबरट-पिंपळवाडी येथे उभी असलेल्या कारवर दगड टाकून नुकसान केले. याप्रकरणी दिलीप मर्ये, कैलास मर्ये, विठोबा मर्ये, वर्षा मर्ये, दाजी हुले यांच्याविरोधात गुन्हा दाखल करण्यात आला. या प्रकरणाचा तपास पोलीस उपनिरीक्षक महेश शेगडे हे करीत आहेत.
Comment List