Himachal Pradesh News – रोहतांग खिंडीजवळ कार दरीत कोसळली, चौघांचा मृत्यू, एक गंभीर जखमी

हिमाचल प्रदेशात कुल्लू जिल्ह्यातील रोहतांग खिंडीजवळ मुसळधार पावसामुळे कार रस्त्यावरून घसरली. यानंतर कार राहिनालाजवळ डोंगरावरून थेट दरीत कोसळल्याने चौघांचा जागीच मृत्यू झाला तर एक जण गंभीर जखमी आहे. घटनेची माहिती मिळताच स्थानिक पोलीस आणि बचाव पथकाने तात्काळ घटनास्थळी धाव घेत बचाव कार्य सुरू केले.

हिमाचलमध्ये सध्या पावसाचा हाहाःकार सुरू आहे. पावसामुळे भूस्खलन, पुराच्या घटना सुरू आहेत. यामुळे रस्त्यांवरूनही माती, पाणी वाहत असल्याने रस्ते निसरडे झाले आहेत. यामुळे हा अपघात घडला.

कारमध्ये पाच जण होते. कारमधील सर्व मृतदेह बाहेर काढण्यात आले आहेत. जखमीला उपचारासाठी रुग्णालयात दाखल करण्यात आले आहे. अपघातातील मृत आणि जखमीची अद्याप ओळख पटलेली नाही.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.