कोळसा खाणीत बेकायदा उत्खनन करताना दुर्घटना, चार कामगारांचा मृत्यू; अनेक जण ढिगाऱ्याखाली दबल्याची शक्यता

बंद असलेल्या कोळसा खाणीत बेकायदेशीर उत्खनन करताना मोठी दुर्घटना शनिवारी घडली. उत्खनन सुरू असताना खाणीचा एक भाग कोसळल्याने चार कामगारांचा ढिगाऱ्याखाली दबून मृत्यू झाला. अनेक जण ढिगाऱ्याखाली दबल्याची भीती व्यक्त करण्यात येत आहे. झारखंडमधील रामगढ जिल्ह्यात ही घटना घडली.

सेंट्रल कोलफिल्ड्स लिमिटेड (सीसीएल) च्या बंद खाणीत बेकायदेशीर उत्खनन करताना ही घटना घडली. घटनेची माहिती मिळताच स्थानिक पोलीस आणि बचाव पथकाने घटनास्थळी धाव घेत मदतकार्य सुरू केले. आतापर्यंत चार मृतदेह बाहेर काढण्यात आले असून बचावकार्य सुरू आहे, असे रामगढचे एसडीपीओ परमेश्वर प्रसाद यांनी सांगितले.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.