Jammu Kashmir – अमरनाथ यात्रा मार्गावर चार बसेस एकमेकांवर आदळल्या, 36 भाविक जखमी

अमरनाथ यात्रेला चाललेल्या भाविकांच्या चार बसेस एकमेकांवर आदळल्याने घटना समोर आली आहे. या अपघातात बसमधील 36 भाविक जखमी झाले आहेत. एका बसचे ब्रेक निकामी झाल्याने हा अपघात झाला. जम्मू-श्रीनगर महामार्गावरील चंदरकोट लंगर स्थळाजवळ शनिवारी सकाळी ही घटना घडली. घटनेची माहिती मिळताच पोलीस आणि बचाव पथकाने तात्काळ घटनास्थळी धाव घेत मदत कार्य सुरू केले.

मिळालेल्या माहितीनुसार, पहलगामकडे जाणाऱ्या ताफ्यातील शेवटच्या बसचे ब्रेक निकामी झाले. यामुळे बसचे नियंत्रण सुटल्याने समोर उभ्या असलेल्या वाहनांवर धडकली. या धडकेत चार बसचे नुकसान झाले आणि एकूण 36 यात्रेकरू जखमी झाले. जखणी भाविकांना तात्काळ रामबन येथील जिल्हा रुग्णालयात दाखल करण्यात आले.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.