Asia Cup 2025 संदर्भात महत्त्वाची अपडेट समोर आली आहे. 10 सप्टेंबरपासून आशिया चषकाची सुरुवात होण्याची शक्यता आहे. तसेच आशिय चषक हिंदुस्थानसह युएईमध्ये हायब्रीड मॉडेलवर खेळवला जाईल, अशी सुद्धा एक बातमी समोर आली होती. कारण पाकिस्तान हिंदुस्थानात खेळण्यासाठी येणार नाही. या सर्व पार्श्वभुमींचा विचार करता आशियाई क्रिकेट परिषद (ACC) जुलै महिन्याच्या पहिल्या आठवड्यात निर्णय घेणार असल्याचे सांगितले जात आहे.
क्रिकबझने दिलेल्या वृत्तानुसार, आशियाई क्रिकेट परिषद (ACC) आशिया चषकाच वेळापत्रक जुलैच्या पहिल्या आठवड्याच जाहीर करू शकते. हिंदुस्थान-पाकिस्तानातील तणावपूर्ण वातावरणामुळे टीम इंडिया आणि युएई या दोन देशांमध्ये संयुक्तरित्या आशिया चषक खेळला जाईल अशी शक्यता आहे. आशिया चषक टी-20 फॉरमॅटमध्ये खेळला जाणार आहे. या स्पर्धेत हिंदुस्थान, श्रीलंका, यूएई, अफगानिस्तान, बांगलादेश आणि पाकिस्तान हे सहा देश एकमेकांना भिडणार आहेत. परंतु टीम इंडिया आशिय चषकात खेळणार का नाही याबद्दल अद्याप ठोस निर्णय घेतलेला नाही. BCCI सध्या केंद्र सरकारच्या निर्णयाच्या प्रतिक्षेत असल्याची माहिती समोर आली आहे. जुलै महिन्याच्या पहिल्या आठवड्यात म्हणजेच पुढील काही दिवसांमध्ये सर्व चित्र स्पष्ट होईल.
Comment List