शिवसेना (उद्धव बाळासाहेब ठाकरे) पक्षाच्या उपनेतेपदी निवड झाल्यानंतर माजी आमदार बाळ माने संपूर्ण कोकणात शिवबंधन परिक्रमा करणार आहेत. याशिवबंधन परिक्रमेच्या माध्यमातून कोकणात पुन्हा एकदा शिवसेनेचे भगवे वादळ निर्माण करण्याचा निश्चय त्यांनी केला असून आज चिपळूणात श्रीदेव परशुराम मंदिरात अभिषेक करून शिवबंधन परिक्रमेसाठी आशीर्वाद घेतले.
शिवसेना पक्षप्रमुख उद्धव ठाकरे आणि शिवसेना नेते आदित्य ठाकरे यांच्या नेतृत्वाखालील उपनेते बाळ माने कोकणात शिवबंधन परिक्रमा मोहिम राबणार आहेत.आज राजश्री छत्रपती शाहू महाराज जयंतीपासून त्यांनी कोकणातील पाच जिल्ह्यांमध्ये शिवबंधन परिक्रमेचे नियोजन सुरू करत पदाधिकारी आणि शिवसैनिकांशी बाळ माने संवाद साधत आहेत. पाच जिल्ह्यातील 9 महानगरपालिका, 5 जिल्हा परिषद,सर्व नगरपरिषद, नगरपंचायत आणि पंचायत समिती स्तरावरील पदाधिकऱ्यांशी बाळ माने यांनी संवाद साधयला आजपासून प्रारंभ केला.
शिवबंधन परिक्रमा ही 9 ऑगस्ट रोजी क्रांती दिनी रायगड किल्ल्यावर छत्रपती शिवाजी महाराज यांना अभिवादन करून सुरू होणार आहे. यावेळी शिवसेना पक्षप्रमुख उद्धव ठाकरे, सौ.रश्मी ठाकरे, शिवसेना नेते आदित्य ठाकरे, शिवसेना नेते खासदार संजय राऊत उपस्थित राहणार आहेत. शिवबंधन परिक्रमेचा समारोप सिंधुदुर्गातील राजकोट किल्ल्यावर 24 ऑगस्ट रोजी होणार आहे, अशी माहिती उपनेते बाळ माने यांनी दिली.
Comment List