इराण आणि इस्रायल या दोन्ही देशांमध्ये युद्धबंदी झाल्यानंतर इराणचे सुप्रीम नेते अयातुल्ला अली खामेनी यांनी पहिल्यांदाच देशातील जनतेला संबोधित केले आहे. आपल्या भाषणात इराणच्या जनतेचे अभिनंदन करत इराणने झिओनिस्ट शत्रूचा नाश केल्याचे म्हटले. खामेनींनी बंकरमधून हा संदेश दिल्याचे म्हटले जात आहे. न्यू यॉर्क टाइम्सच्या वृत्तानुसार, इस्रायली आणि अमेरिकन हल्ल्यांपासून बचाव करण्यासाठी सुरक्षा दलांनी खामेनी यांना तेहरानमधील एका सुरक्षित बंकरमध्ये नेले आहे.
ट्रम्प तोंडावर आपटले! इराणच्या अणुकेंद्रांवरील हल्ला फसला; युरेनियमचा साठा सुरक्षित, पेंटागॉनचा गुप्त अहवाल फुटला!
इराणने बिनशर्त शरणागती पत्करावी, असे अमेरिकेचे राष्ट्राध्यक्ष डोनाल्ड ट्रम्प यांनी म्हटले होते. ट्रम्प यांच्या धमकीवर खामेनी यांनी दोन दिवसांपूर्वी प्रतिक्रिया दिली होती. ज्यांना इराणी लोक आणि त्यांचा इतिहास माहित आहे, त्यांना हे माहिती आहे की इराणी राष्ट्र शरणागती पत्करणारे राष्ट्र नाही, असे खामेनी म्हणाले होते. ते पुढे म्हणाले, या सर्व गोंधळ आणि दाव्यांमुळे इस्लामिक रिपब्लिकच्या प्रहाराखाली झिओनिस्ट राजवट व्यावहारिकरित्या उलथवून लावत चिरडली गेली.
पाकिस्तान बनवतंय थेट अमेरिकेपर्यंत मारा करणारे क्षेपणास्त्र
इस्रायलच्या पराभवाच्या भीतीने अमेरिकेने या युद्धात उडी घेतल्याचा दावा खामेनी यांनी केला आहे. येथेही इस्लामिक रिपब्लिक विजयी झाले आणि अमेरिकेला चपराक दिल्याचे खामेनी म्हणाले.
दरम्यान, इराणला अजूनही आपल्या सैन्य आणि अणुऊर्जा प्रकल्पांवर हल्ल्यांची भीती आहे. त्यामुळे इराण रेडी टू अटॅक मोडमध्ये असल्याचा दावा काही वृत्तांमधून करण्यात आला आहे. पुन्हा हल्ला झाला तर आम्ही प्रत्युत्तर देण्यास पूर्णपणे सज्ज आहोत, असे इराणच्या सैन्य अधिकाऱ्यांनी आधीच स्पष्ट केले आहे.
Comment List