Axiom 4 – शुभांशु शुक्ला इंटरनॅशनल स्पेस स्टेशनवर पोहोचले, ड्रॅगन कॅप्सूलचे यशस्वी डॉकिंग

नासाच्या ऑक्सिऑम 4 मोहिमेअंतर्गत अवकाशात झेपावलेले ‘फाल्कन-9’ हे रॉकेट आंतरराष्ट्रीय स्पेस स्टेशनवर पोहोचले असून ड्रॅगन कॅप्सूलचे यशस्वी डॉकिंग करण्यात झाले आहे. 28 तासांच्या प्रवासानंतर गुरुवारी सायंकाळी 4 वाजून 3 मिनिटांनी कॅप्सूल डॉक करण्यात आले. नासाच्या या मोहिमेअंतर्गत हिंदुस्थानी हवाई दलाचे ग्रृप कॅप्टन शुभांशु शुक्ला यांनी अंतराळात पोहोचून इतिहास घडवला आहे.

#Ax4‘s @SpaceX Dragon spacecraft docked with the @Space_Station at 6:31am ET (1031 UTC). Next, the mission crew and our NASA astronauts will prepare to open the hatches. pic.twitter.com/Qj1sgy7RzC

— NASA (@NASA) June 26, 2025

अमेरिकेच्या जॉन एफ केनेडी स्पेस सेंटरवरून आज दुपारी 12 वाजता नासाच्या ‘फाल्कन 9’ या रॉकेटने उड्डाण भरले. या मोहिमेचे नेतृत्व ज्येष्ठ व अनुभवी अंतराळवीर पेगी व्हिटसन करणार आहेत. त्यांच्यासोबत शुभांशु शुक्ला, पोलंडचे स्लावोज युनान्स्की आणि हंगेरीचे तिबोर कापू हे देखील आहेत.

अंतराळात झेप घेणारे शुभांशु ठरले दुसरे हिंदुस्थानी

1984 साली सोव्हिएत रशियाने हाती घेतलेल्या अंतराळ मोहिमेत हिंदुस्थानचे राकेश शर्मा सहभागी झाले होते. हिंदुस्थानकडून अंतराळात भरारी घेणारे ते पहिले अंतराळवीर ठरले होते. त्यानंतर शुभांशु हे दुसरे अंतराळवीर असून आंतरराष्ट्रीय अंतराळ स्थानकात जाणारे ते पहिलेच भारतीय ठरणार आहेत. शुभांशु हे मूळचे उत्तर प्रदेशच्या लखनौचे रहिवासी आहेत. एक वर्षाच्या कठोर प्रशिक्षण आणि चाचणीनंतर नासाने त्यांची या मोहिमेसाठी निवड केली आहे.