आपल्या घरातील बाथरुममधून अनेक किटक किंवा सरपटणारे प्राणी येत असतात. यामध्ये झुरळ, पाली तसेच गोम यांचा समावेश असतो. घरामध्ये गोम दिसल्यावर, तिला अनेकदा मारुन टाकले जाते. परंतु ही गोम घरात येऊ नये म्हणून आपण उपाय करणे गरजेचे आहे. खासकरुन पावसाळ्यामध्ये अनेक घरातील बाथरुममधून किंवा बेसिनच्या सिंकमधून गोम येते. अशावेळी दुर्लक्ष करण्यापेक्षा यावर प्रभावी उपाय शोधणे हे गरजेचे आहे.
गोम कानात गेल्यावर किंवा चावल्यास वेदना खूप होतात. त्यामुळेच घरातील काही कानाकोपऱ्यांमध्ये आपले लक्ष असायलाच हवे. घर गोममुक्त करण्यासाठी काही महत्त्वाच्या गोष्टी या लक्षात ठेवणे हे गरजेचे आहे. जसे की, दररोज बेसिनचे सिंक चांगले स्वच्छ करायला हवे. तसेच स्वयंपाकघरातील कचरा वेळेवर बाहेर फेकून द्यायला हवा. दर आठवड्याला ड्रेन पाईपमध्ये बेकिंग सोडा आणि व्हिनेगर घाला. यामुळे घाण आणि कीटक येण्यापासून बचाव होतो.
कडुलिंबाचे तेल आणि कापूर
कडुलिंबाच्या तेलात कापूर मिसळा आणि त्याचा स्प्रे तयार करा. स्वयंपाकघर, बाथरूम आणि बेसिनजवळ हा स्प्रे रात्री मारावा. कडुलिंबाच्या तेलात अँटी-बॅक्टेरियल गुणधर्म आहेत. हा वास किटक तसेच इतर सरपटणाऱ्या प्राण्यांना आवडत नाही. त्यामुळे असे किटक या वासापासून दूर राहतात.
तमालपत्र आणि लवंग
बेसिन, बाथरुम तसेच इतर ओलसर ठिकाणी तमालपत्र आणि लवंगेचा वापर करावा. या वासामुळे गोम दूर राहण्यास मदत होते.
About The Author
.jpeg)
.jpeg)
Comment List