साक्रीत भाजपच्या नगराध्यक्षांच्या विरोधात स्वपक्षीय नगरसेवकांचेच बंड

भाजपच्या निष्क्रीय नगराध्यक्षांविरोधात आज साक्री नगरपंचायतीमध्ये भाजपच्याच नगरसेवकांनी अविश्वास प्रस्ताव आणल्याने मिधे गट व भाजपवर नामुष्की ओढावाली. अर्थात सत्तेला नाचवणाऱ्या राजकारण्यांनी त्यातून मधला मार्ग काढत प्रसंग तारला असला तरी सत्ताधाऱ्यांची आब्रू वेशीला टांगलेली सगळ्यांनीच पाहिली. पीठासीन अधिकारी प्रकृतीच्या कारणास्तव गैरहजर राहिल्याने तूर्त प्रस्ताव बारगळला असला तरी पीठासीन अधिकाऱ्यांनी प्रस्तावाला खो दिल्याची चर्चा रंगली होती.

साक्री नगरपंचायतीच्या अध्यक्षा जयश्री पवार यांच्या विरोधात दाखल झालेल्या अविश्वास प्रस्तावावर विशेष सभा घेण्यासाठी पीठासीन अधिकारी असलेले प्रांत अधिकारी रोहन कुवर कामकाजासाठी आलेच नाहीत. त्यामुळे विद्यमान उपनगराध्यक्ष बापू गीते यांच्यासह भाजपच्या सहा नगरसेवकांनी आक्रमक भूमिका घेतली.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.