‘तुझ्या अस्तित्वाने आणि सहवासाने माझ्या आयुष्यातील प्रत्येक गोष्टीला अर्थ दिला. तुझ्याशिवाय हे मिशन शक्य झालं नसतं. त्याहून महत्त्वाचं म्हणजे तुझ्याशिवाय या प्रवासाला अर्थही उरला नसता.’ हे उद्गार आहेत नासाच्या ऑक्सिऑम-4 मोहिमेअंतर्गत आज अतंराळात झेपावलेले भारतीय हवाई दलातील ग्रुप पॅप्टन शुभांशु शुक्ला यांचे. अंतराळातील ऐतिहासिक उड्डाणाच्या आधी पत्नी कामना शुक्ला हिच्याप्रती कृतज्ञता व्यक्त करणारी एक भावनिक पोस्ट त्यांनी इन्स्टाग्रामवर शेअर केली.
इन्स्टावरील या पोस्टमध्ये शुभांशु शुक्ला यांनी कुटुंब व मित्रमंडळींचेही आभार मानले. ’हा क्षण प्रत्यक्षात आणण्यासाठी माझ्या मागे आधारस्तंभ बनून राहिलेलं माझं कुटुंब आणि मित्रांचे खूप खूप आभार. अनेकदा जवळचे लोक आपल्यासाठी मोठा त्याग करतात, पण आपल्याला त्याची कल्पना नसते. किंवा हा त्याग आपल्याला नीट समजत नाही. तरीही केवळ आपल्या प्रेमापोटी ते हे सगळं करत असतात,’ असे शुभांशु यांनी म्हटले आहे.
पत्नीबद्दल लिहिताना ते अधिकच भावूक झाले. ’माझी अद्भुत जोडीदार’, असा उल्लेख करत त्यांनी आपल्या पत्नीचे विशेष आभार मानले. तुझ्याशिवाय हे मिशन शक्य झालं नसतं. किंबहुना तुझ्या पाठिंब्याशिवाय माझ्या या प्रवासाला काही अर्थही उरला नसता, असे शुभांशु यांनी म्हटले आहे. हे लिहिताना त्यांनी पत्नीसोबतचा एक खास पह्टो शेअर केला आहे. या पह्टोत शुभांशु आणि त्यांची पत्नी कामना हे दोघे एका काचेच्या दोन विरुद्ध बाजूला उभे असून एकमेकांना गुडबाय करताना दिसत आहेत. हा पह्टो म्हणजे शारीरिक दुरावा आणि भावनिक जवळीकीचं प्रतीक आहे.
मी कृतज्ञ आहे!
’कोणीही एकटा अंतराळात जाऊ शकत नाही. कुटुंबातील आणि समाजातील अनेक लोकांच्या पाठिंब्यामुळंच हे सगळं शक्य होतं. त्या सगळ्यांबद्दल मी कृतज्ञ आहे,’ असे त्यांनी पोस्टच्या शेवटी म्हटले आहे.
Comment List