शुभांशू शुक्ला 25 जूनला अ‍ॅक्सिओम मिशन-4 सह आयएसएससाठी रवाना झाले आहेत. हा हिंदुस्थानसाठी दुसरा राकेश शर्मा क्षण आहे. लाँच पॅड 39 ए वरून प्रक्षेपित झाला आहे. हिंदुस्थानसाठी हा आणखी एक अभिमानाचा क्षण आहे. भारतीय हवाई दलाचे अनुभवी चाचणी पायलट ग्रुप कॅप्टन शुभांशू शुक्ला हे अ‍ॅक्सिओम मिशन-4 (अ‍ॅक्स-4) अंतर्गत आंतरराष्ट्रीय अंतराळ स्थानकासाठी (ISS) रवाना झाले आहेत.
25 जूनला फ्लोरिडा येथील केनेडी स्पेस सेंटरच्या लाँच पॅड 39 A वरून स्पेसएक्सच्या फाल्कन 9 रॉकेटने हे मिशन सुरू केले. हवामान परिस्थिती 90% अनुकूल असल्याचे वृत्त आहे जे या ऐतिहासिक उड्डाणासाठी एक चांगले संकेत आहे.
Shubhanshu Shukla Axiom-4 – आम्हाला त्याचा सार्थ अभिमान आहे! काय म्हणताहेत शुभांशूचे पालक, वाचा
1984 मध्ये राकेश शर्मा नंतर, शुभांशू हा हिंदुस्थानातील दुसरे अंतराळवीर असणार आहेत. शुभांशू शुक्ला यांना अंतराळात 7 प्रयोग करायचे आहेत. 1984 मध्ये विंग कमांडर राकेश शर्मा यांनी सोव्हिएत युनियनच्या सोयुझ टी-11 मोहिमेअंतर्गत अंतराळात पाऊल ठेवले होते. त्यांनी अंतराळात हिंदुस्थानी ध्वज फडकावला होता.
Breaking – Mission Axiom 4 ‘कमाल की राईड’ म्हणत शुंभाशू शुक्लाचा अंतराळ यानाचा प्रवास सुरू
तत्कालीन पंतप्रधान इंदिरा गांधींशी झालेल्या संभाषणात त्यांनी सांगितले की, हिंदुस्थानसाठी हा पहिला अभिमानाचा क्षण होता. आता 41 वर्षांनंतर, शुभांशू शुक्ला हा वारसा पुढे नेणार आहेत. ते केवळ अंतराळात जाणार नाहीत, तर 14 दिवस आयएसएसवर राहून वैज्ञानिक प्रयोग देखील करणार आहेत.
अ‍ॅक्सिओम मिशन-4 (अ‍ॅक्स-4) ही एक खाजगी अंतराळ मोहीम आहे. अ‍ॅक्सिओम स्पेस, नासा आणि स्पेसएक्स यांच्या सहकार्याने राबविली जात आहे. ही मोहीम हिंदुस्थान, पोलंड, हंगेरी आणि अमेरिका यांच्यातील आंतरराष्ट्रीय सहकार्याचे प्रतीक आहे.
Comment List