लोखंडी भांड्यात अन्न शिजवण्याचे महत्त्व हे खूप आहे. म्हणूनच आपल्यापैकी अनेकांच्या घरात, लोखंडी भांड्याचा वापर हा वाढलेला आहे. परंतु लोखंडी तवा, कढई ही काही काळ न वापरल्यास मात्र या भांड्यांना गंज चढण्यास सुरुवात होते. अशी गंज चढलेली भांडी किचनमध्ये मग ठेवायलाही लाज वाटते. अशावेळी ही भांडी आपण कुठेतरी कोनाड्यात ठेवून देतो. त्यामुळेच या भांड्यांना नवे रुप द्यायचे झाल्यास, लोखंडी कढईची स्वच्छता ठेवणे गरजेचे आहे.
लोखंडी कढई स्वच्छ करण्यासाठी सर्वात चांगला आणि स्वस्त उपाय म्हणजे, राखेने ही भांडी साफ करणे. लोखंडी भांडी ही राखेने खूप उत्तम साफ होतात. त्यामुळेच गाव खेड्यांमध्ये आजही भांडी घासण्यासाठी राखेचा वापर केला जातो.
लोखंडी कढई साफ करण्यासाठी काय वापरावे?
अगदी कमीत कमी पैशांमध्ये लोखंडी कढई साफ करता येऊ शकते.
काॅस्टिक सोडा काळी झालेली कढई स्वच्छ करण्यासाठी सर्वात उपयुक्त मानले जाते. याकरता एका मोठ्या भांड्यात पाणी उकळत ठेवावे. पाण्याला चांगली उकळी आल्यानंतर, त्यात एक चमचा काॅस्टिक सोडा मिसळावा. त्यानंतर काळी झालेली कढई या भांड्यात बुडवून ठेवावी. किमान अर्धा तास ही कढई तशीच ठेवावी. जास्त वेळ ठेवल्यास अधिक उत्तम. या लोखंडी कढईचा काळपटपणा आणि चिकटपणा पूर्णपणे निघून जाईल.
लोखंडी कढई स्वच्छ करण्यासाठी, लिंबू आणि मीठ हे सर्वात बेस्ट. याकरता सर्वात सोपी पद्धत म्हणजे लिंबाच्या रस काढलेल्या साली साठवून ठेवाव्या. या सालींना मीठ लावावे. मीठ लावलेल्या या सालींनी कढई घासून घ्यावी. त्यानंतर एका भांड्यात पाणी गरम करुन त्यात ही कढई ठेवावी. या पाण्यात लिंबाचा रस टाकल्यास अधिक उत्तम रिझल्ट मिळेल. त्यानंतर किमान अर्ध्या तासांनी ही कढई बाहेर काढून स्क्रबरने चांगली घासून घ्यावी.
गंजलेली लोखंडी कढई स्वच्छ करण्यासाठी राख हा सर्वात उत्तम पर्याय आहे. राखेमुळे जमलेली काजळी आणि तेलकटपणा निघून जाण्यास मदत होते. भांड्याला राख घासल्यामुळे तेलकटपणा आणि काजळी काढून टाकली जाते. त्यामुळे भांडे नव्यासारखे चमकते.
About The Author
.jpeg)
.jpeg)
Comment List