ट्रम्प यांच्या युद्धविराम घोषणेला इराणकडून केराची टोपली? काही तासांतच इराणचा क्षेपणास्त्र हल्ला, इस्रायलमध्ये तिघांचा मृत्यू

इस्रायलमधील बे’एर शेवा (Be’er Sheva) या दक्षिणेकडील शहरात मंगळवारी सकाळी इराणकडून करण्यात आलेल्या क्षेपणास्त्र हल्ल्यात किमान तीन जणांचा मृत्यू झाल्याची माहिती मिळाली आहे. विशेष म्हणजे, अमेरिकेचे राष्ट्राध्यक्ष डोनाल्ड ट्रम्प यांनी इस्रायल आणि इराण यांच्यात युद्धविराम होणार असल्याची घोषणा केवळ काही तासांपूर्वीच केली होती.

हल्ल्यानंतर समोर आलेल्या एका व्हिडीओमध्ये संबंधित निवासी इमारत पूर्णतः उद्ध्वस्त झालेली दिसत आहे. परिसरातील वाहने आणि झाडेही स्फोटानंतरच्या आगीत भस्मसात झाल्टाचे त्यात स्पष्टपणे दिसून येते.

Be’er Sheba pic.twitter.com/ajHQBpGaDK

— War Monitor (@WarMonitors) June 24, 2025

इस्रायली लष्कराने यापूर्वी दिलेल्या माहितीनुसार, काही वेळापूर्वी इराणकडून देशावर क्षेपणास्त्र डागण्यात आले असून, त्यांचा शोध घेण्याचे व त्यांना अडविण्याचे प्रयत्न सुरू आहेत. पहाटे 5 वाजण्याच्या सुमारास (जागतिक वेळेनुसार 02:00 GMT), देशाच्या विविध भागात सायरन वाजवण्यात आला होता.

Iran Israel Ceasefire : 12 दिवसांनंतर युद्ध थांबलं, इराण आणि इस्रायलमध्ये शस्त्रसंधी; डोनाल्ड ट्रम्प यांची घोषणा

डोनाल्ड ट्रम्प यांनी यापूर्वी दिलेल्या निवेदनात सांगितले होते की, दोन्ही देशांमध्ये टप्प्याटप्प्याने युद्धविराम लागू केला जाणार असून, प्रथम इराण आपल्या सैनिकी कारवाया थांबवेल. हा युद्धविराम सकाळी 4 वाजता GMT नुसार लागू होणार होता, मात्र त्याआधीच इराणकडून हा हल्ला झाल्याचे स्पष्ट झाले आहे.

तेहरानमधील एविन तुरुंग, सरकारी इमारतींवर इस्रायलचे हल्ले

Iran Missile Strike Kills 3 in Israel’s Be’er Sheva Hours After Trump Announces Ceasefire