Iran Attacks US Air Base: कुवेत, इराक, युएई, बहरीन, कतारने हवाई क्षेत्र बंद केले

इराण-इस्रायल युद्धात उडी घेऊन अमेरिकेने इराणमधील अणुऊर्जा प्रकल्पांवर हल्ला केल्यानंतर जगभरात खळबळ उडाली होती. तर इराणने देखील माघार घेणार नाही म्हणत अमेरिकेला प्रत्युत्तरासाठी तयार राहण्याचा इशारा दिला होता. यानंतर इराणने सोमवारी कतारमधील अल-उदीद अमेरिकन हवाई तळावर क्षेपणास्त्रांनी हल्ला केला. यावृत्ताला इराणकडून दूजोरा देण्यात आला आहे. हा हल्ला अमेरिकेच्या अणुऊर्जा प्रकल्पांवर झालेल्या कारवाईच्या प्रत्युत्तरात केला गेला असल्याचे इराणच्या राष्ट्रीय सुरक्षा परिषदेने स्पष्ट केले.

‘अमेरिकेने इराणच्या अणुऊर्जा प्रकल्पांवर जे बॉम्बहल्ले केले, त्याच संख्येने क्षेपणास्त्रे आमच्या सैन्याकडून वापरण्यात आली आहेत’, असेही या निवेदनात नमूद करण्यात आले आहे.

इराणने स्पष्ट केले की, ‘या कारवाईचा आमचे मित्र राष्ट्र कतारला कोणताही धोका नाही’.

या हल्ल्यानंतर मध्यपूर्वेतील तणाव वाढल्याने कुवेत, इराक, संयुक्त अरब अमिरात, बहरीन आणि कतार यांनी तात्पुरते त्यांच्या हवाई हद्दी (airspace) बंद केल्या आहेत.

Iran Strikes US Air Base in Qatar; Gulf Nations Shut Airspace Amid Rising Tensions

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.