Jammu Kashmir – वैष्णोदेवी यात्रा मार्गावर भूस्खलन, बॅटरी कार सेवा आणि तीर्थयात्रा विस्कळीत

जम्मू आणि काश्मीरमधील रियासी जिल्ह्यातील त्रिकुटा पर्वतांवर असलेल्या वैष्णोदेवी मंदिराच्या तीर्थयात्रेच्या मार्गावर सोमवारी भूस्खलन झाले. मिळालेल्या माहितीनुसार, माता वैष्णोदेवी मंदिराकडे जाणाऱ्या नवीन ट्रॅकवर भूस्खलन झाल्याने प्रशासनाने बॅटरी कार सेवा बंद केली.

मुसळधार पावसामुळे भूस्खलनाची घटना घडली असून सुदैवाने यात कोणताही भाविक किंवा अन्य व्यक्ती जखमी झाले नाहीत. भूस्खलनानंतर भाविकांना जुन्या मार्गावर वळवण्यात आले आहे. त्यामुळे आता कोणत्याही व्यत्ययशिवाय प्रवास सुरू आहे, असे अधिकाऱ्यांनी सांगितले.

हिमकोटी मार्गावरील सत्य व्ह्यू पॉइंटजवळ भूस्खलन झाले. सुदैवाने दुर्घटना घडली तेव्हा या मार्गावर एकही भाविक उपस्थि नव्हता. त्यामुळे पुढील अनर्थ टळला. भूस्खलनानंतर वैष्णोदेवी तीर्थस्थळ मंडळाने तातडीने आपले कर्मचारी आणि मशीन्स ढिगारा हटवण्यासाठी तैनात केले. ढिगारा तीस फुटांपेक्षा अधिक परिसरात पसरलेला असल्याचे अधिकारी म्हणाले.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.